Mittarfissaq isumasioqatigiinnermi qulequtaassasoq

Ilulissani nunani tamalaani mittarfissaq ukiaru atulissaaq. Periarfissat unammillernartullu aggutsip naanerani oqaluuserineqartussanngorput. Avannaata Kommunia isumasioqatigiinnissamik aaqqissuisuuvoq.

Avannaata Kommuniani kommunalbestyrelsi isumasioqatigiittoqarnissaanik aalajangiisuuvoq.

Assi: Leiff Josefsen.

Andreas Wille Andreas Wille tusagassiortoq

Saqqummersinneqarpoq 27. Juuni 2026 - 10:06

Ilulissani mittarfissaq pilersaarutaasut malillugit ukiaru oktobarip 29-ani atulissaaq. Tamannalu pillugu Avannaata Kommunia innuttaasunut, qinikkanut inuussutissarsiortunullu inuussutissarsiorneq pillugu isumasioqatigiinnissamik qaaqqusivoq.

- Oqallitsitsinissami mittarfissuaq nutaaq atulerpat ineriartortitsinerneq inuussutissarsiornermilu periarfissanut suut piulersinnaanersut qulequtaassaaq.

- Inuussutissarsiornermi periarfissat nutaat, takornariaqarnerup ineriartortinneqarnissaa, najukkani suliffissat aamma aningaasaliinerit suleqatigiinnerlu sammineqassapput, inussutissarsiornermut ingerlatsivik qaaqqusissummini allappoq.

Ussassaarut

Isumasioqatigiinneq Ilulissani aggutsip 27-ani pissaaq.

Inuussutissarsiornermut Naalakkersuisoq, Attaveqaasersuutinut Naalakkersuisoq, Greenland Airport, Visit Ilulissat, Avannaata Kommuniani ingerlatsinermut sanaartornermullu ingerlatsivik saqqummeeqqullugit qaaqquneqarput.

Tunuliaqut

Inuussutissarsiorneq pillugu isumasioqatigiittoqassasoq Avannaata Kommuniani kommunalbestyrelsimut ilaasortat immikkut ittumik februaarip 13-ni ataatsimiinnerminni aalajangerput. Heidi Møller (D), taama pisoqarnissaanik siunnersuuteqartuuvoq.