Professori Greenland Airportsip kukkussutai millionillit pillugit: Akisussaasut tamanna ajuusaarutigissavaat

- Qujanartumik naatsorsuutini taamatut hundredt millionilikkaanik kukkusumik immikkoortiterisoqartarnera qaqutigoortuuvoq. Ilumoortumik oqaatigalugu nammineq nassuerutigisimanngikkaluarpassuk eqqortumik oqaatiginerat qularisimassagaluarpara, Aalborg Universitetimi aningaasaqarnermik aqutsinermut professori Per Nikolaj Bukh Sermitsiamut oqarpoq.

Sermitsiap Greenland Airportsip naatsorsuutaani millionilikkaanik pingasunik kisitsisitalinnik aningaasartalinnik kukkusoqarsimasoq paasereerlugu professori attaveqarfigaa. 

- Soorunami taamatut pisoqassanngilaq, aammalu akisussaasut ajuusaartariaqarput, Per Nikolaj Bukh oqarpoq. 

Greenland Airportsip naatsorsuutaani millionilikkaanik pingasunik kisitsisitalinnik kukkusoqarsimanera pissutigalugu Sermitsiap professori taanna attaveqarfigaa.

- Soorunami taamaattoqassanngilaq, akisussaasullu tamanna ajuusaarutigisariaqarpaat, Per Nikolaj Bukh nangippoq. 

Suliaq suliffeqarfissuup 2025-mut aningaasat ingerlaarnerannik naatsorsuutaanut tunngavoq. Tassa ukiup ingerlanerani aningaasat qanoq annertutigisut isertinneqarnersut aningaasartuutigineqarsimanersullu, aamma aningaasat ingerlaarnerannik taaneqartartut, naatsorneqarnerat. 

Naatsorsuinermi kukkunerit marluk pissutigalugit sanaartornermut aningaasarpassuit naalagaaffimmit tapiissutigineqarsimasut 400 millionit koruunit 364 millionit koruunillu amigartoorutigineqarsimasut kukkusumik allassimalerput.

Sooq suliffeqarfiup aningaasanik isertitsineranik imaluunniit aningaasanik ilanngaatiginnittarneranik paasinninnissaq pingaaruteqarpa? 

- Suliffeqarfik qanoq aningaasarsiortigisinnaanersoq taamaalillunilu akiligassaminik siunissami akiliisinnaajumaarnersoq aningaasat ingerlaarnerisa takutittarmassuk aningaasat pillugit ingerlatitseqqiineq pingaaruteqarpoq, professori oqarpoq. 

Kukkorujussuarneq alla: Greenland Airportsip aningaasanut naatsorsuutimini ingerlatsinermit isertitat 364 millioninik qaffasinnerusutut naatsorsorsimagai

Greenland Airports-ip kukkunerit taamaattut pisussaanngitsut nassuerutigaa. Ingerlatseqatigiiffiuttaaq kisitsisinut ataatsimut isigalugit ukiup inernera nammineq aningaasaatitillu kukkunit taakkunannga sunnerneqanngitsut eqqaasitsissutigaa. 

- Kukkunerit ukiup inerneranut nammineq aningaasaatinut sunniuteqarneq ajortut nassuerutigisariaqarpoq, kisianni aningaasat ingerlaarnerannut naatsorsuutitigut naatsorsuutini malunnaatilimmik nikingassusilimmik sunniuteqarput, Per Nikolaj Bukh oqarpoq.

Kina akisussaanerpaava, Greenland Airports imaluunniit kukkunersiuisoq? 

– Greenland Airports kukkunernut akisussaanerpaavoq. Soorunami aamma kukkunersiuisoq millioninik pingasunik kisitsisitalinnik kukkussuteqarsimassagaluarpoq. Ingerlatseqatigiiffiulli nammineq ukiumoortumik nalunaarusiani akisussaaffigaa, taassumalu eqqoqqissaartuunersoq qulakkeertussaavaa, Per Nikolaj Bukh oqarpoq. 

Excelimi (naatsorsuuserinermi atortorissaarummi, aaqq.) kisitsisit kukkusumik ataqatigiinnerat pissutaasoq  Greenland Airportsimi aningaasaqarnermut pisortap Per Stjærnholm Trærupip nassuiarpaa. 

Professorip tamanna uppernarsarsinnaasoraa: 

– Kikkut tamarmik aningaasanik kukkusumik ilanngussisinnaapput, taamaammat naatsorsuutit akuerineqarnissaat sioqqullugu kukkunernik piffissaq eqqorlugu paasinnittaaseq pitsaassutsimik qulakkeerisitsisup pilersinnissaa aqutsisut akisussaaffigaat, Per Nikolaj Bukh oqarpoq. 

Timmisartortitseqatigiiffik taama pisoqaqqinnginnissaa qulakkeerniarlugu iliuuseqarumaartoq  Greenland Airportsimi aningaasaqarnermut pisortap tamanna pillugu allaaserisami siusinnerusukkut neriorsuereerpoq. 

- Ingerlatseqatigiiffiulli 2025-mut ukiumoortumik nalunaarusiaq nutaaq naqqitaalu saqqummiunnavianngikkaa Aningaasaqarnermut pisortaq oqarpoq: 

- Tamanna nutaamik naatsorsuusiortariaqarnitsitut ajortiginngitsoq isumaqarpugut, kisitsisilli aappaagumut ukiumoortumik nalunaarusiami naqqissavagut, Per Stjærnholm Trærup kukkunersiuisut oqaloqatigereerlugit oqarpoq. 

Nalunaarusiaq nutaaq akuerineqarumappat immikkut ittumik ataatsimeersuartoqartariaqassaaq. 

Ukiumoortumik nalunaarusiamik nutamik nammineq akuersisitsissagaluartoq

Professori Per Nikolaj Bukh suliffeqarfimmi tamatumunnga assingusumik pisoqartumi akisussaasuuguni nammineq qanoq iliussagaluarnersoq Sermitsiap aperaa. 

- Pisortat kukkuneq pillugu Inuussutissarsiornermut Aqutsisoqarfik ilisimatikkumaaraat uanga siulersuisuniikkungalu qulakkiissagaluarpara, Per Nikolaj Bukh oqarpoq. 

Danmarkimi inuussutissarsiornermut aqutsisoqarfik danskit kalaallillu ingerlatseqatigiiffiisa ukiumoortumik nalunaarusiortarneranni oqartussaavoq. 

- Kisianni aamma inatsisitigut piumasaqaataagaluarpat piumasaqaataagaluarpalluunniit ukiumoortumik nalunaarusiamik nutaamik nassiussisoqarsinnaanersoq siulersuisuni oqaloqatigiissutigerusussagaluarpara. Ajornartorsiut iliuuseqarfiginngikkaanni tamanna ingerlatseqatigiiffiup tutsuiginassusaasut unammillernartuusinnaasoq isumaqarpunga. 

Ukiumoortumik nalunaarusiaq naatsorsuutinik atuisut soqutigippassuk allanngortinneqarsinnaasoq malittarisassani allassimavoq. Kukkussutit annertuut assortorneqarsinnaanngitsullu naqqinneqartariaqartut matumani pineqarput. 

Inuussutissarsiornermut Aqutsisoqarfik aamma ukiumoortumik nalunaarusiamik nutaamik piumasaqarsinnaavoq. Suliarli qaqutigoortoq tamanna pillugu aqutsisoqarfiup qanoq isummernissaa Per Nikolaj Bukhip eqqoriarnianngilaa. 

Sermitsiap ukiumoortumik nalunaarusiami kisitsisit kukkusut pillugit Inuussutissarsiornermut Aqutsisoqarfik ilisimatinneqarsimanersoq Greenland Airports aperaa. 

Greenland Airportsip kukkuneri Grønlands Revisionimi kukkunersiuisut Sermitsiamut aamma nassuerutigisimavaat. Kukkunersiuisut allaaserisami allami sammissavagut.