Qaanaami aalisarnermik ineriartortsisoqarnissaa aalisartut isumalluarfigaat

Naalakkersuisut avanersuarmi aalisarnermik ineriartortitsisoqarnissaanut pilersaarusiortussanik suleqatigiissitaliortoqassasoq aalajangiuppaat. Qaanaami aalisartut piniartullu peqatigiiffiannit aalisarnikkut inerisaasoqarnissaanik pilersaaruteqartoqalernera nuannaajallaatigaat.

– Overgangsperioden fra fangst til fiskerierhvervet i Qaanaaq og dens bygder har ikke helt været
en succes, hvilket naturligvis er utrolig ærgerligt, siger Jens Danielsen, som formand for Inughuit
Seafood A/S.

Qaanaami aalisarnikkut siuarsaasussanik suleqatigiissitaliortoqassasoq Naalakkersuisut aalajangerpaat. Jens Danielsen qaleralinniutinik ningitsisoq assimi takuneqarsinnaavoq.

Assi: Arne Mølgaard

Masauna Peary Masauna Peary Journalist

Saqqummersinneqarpoq 29. Juuni 2026 - 10:29

Qaanaami aalisarnerup ineriartortinneqaqqinnissaa siunertaralugu suleqatigiissitaliortoqassasoq aalaajangerneqartoq, Aalisarnermut, Piniarnermut, Nunalerinermut Imminullut Pilersornermut Naalakkersuisup, Peter Borgip (D), nalunaarutigaa.

Piffissaq ungasinnerusoq eqqarsaatigalugu aalisarnermut ineriartortitsinissamik pilersarusiortussanik, aasaanerani sulinngiffeqareernerup kingorna suleqatigiissitaliami suleqataasussanik aggersaasoqassasoq, Peter Borg allappoq.

Tunumi suliniut assigalugu suleqatigiissitaliortoqassasoq

Ussassaarut

Naalakkersuisut Tunumi aalisarnerup ineriartortinneqarnissaanut pilersaarutaat 2024-miit 2030-mut atuuttoq assigalugu, Qaanaami aalisarnermut ineriartortitsisussanik suleqatigiissaliortoqassasoq, tusagassiutinut nalunaarutigineqarpoq.

Tunumi suleqatigiissitami ilaasortaapput KNAPK-p qullersaqarfia, sumiiffimmi sinniisuutitat, tunumi aalisartut, aalisarnermut piniarnermullu siunnersorti, Arctic Prime Fisheries ApS, Royal Greenland A/S aamma Kommuneqarfik Sermersooq.

Qaanaami aalisartut qiimmallaatigaat

Qaanaami aalisartut piniartullu peqatigiiffianniit Naalakkersuisut Qaanaami aalisarnerup siuarsarnissaanut pilersaaruteqalernerat nuannaajallaatigaat.

– Avanersuarmi inuit ikitsunnguugatta ineriartortitsinermut kingulliunneqartuartaratta, Qaanaami innuttaasut malinnaatillugit ineriartortitsisoqalernissaanik pilersaaruteqartoqalernera qiimmaallannarpoq, K'ulutana Kvist oqarpoq.

– Nutaarsiassaq atuarakku kiisami isiginiarneqalertugut tusaaniarneqalertugullu misigisimavunga, qiimmaallannaq, K’ulutana Kvist, Qaanaami aalisartut piniartullu siulersuisuini ilaasortaq oqarpoq.

Qaanaami sikoqarnerani taamaallaat qaleralinnik aalisartoqartarpoq, aasaanerani sumi qaleraleqassuseq misissorneqareerpat qanoq suullu atorlugit inerisaasoqassasoq paasinarsissangatinneqarpoq.

– Siorapaluup avataani aalisagaqassutsikkut misissuisoqarnissaa, tunisassiorfitsigut talittarfeqarniarnikkullu ineriartortitsisoqarnissaa neriulluarfigaarput, K’ulutana Kvist oqarpoq.