Qaanaami
mattattugassat siulliit tikiunneqarnerat upernaap
ilisarnaatigisarpaa. Qilalugartarineqartoq siulleq piniartunit
aprilip 25-ani tikiunneqarpoq.
-
Apriilimi siullerpaamik qilalugartoqartarnera nalinginnaasuuvoq,
Qaanaami Aalisartut Piniartullu Peqatigiiffianni siulittaasoq Adolf
Simigaq Sermitsiamut oqarpoq.
Qaanaami
mattattugassat siulliit tikiunneqarnerat upernaap
ilisarnaatigisarpaa. Qilalugartarineqartoq siulleq piniartunit
aprilip 25-ani tikiunneqarpoq.
-
Apriilimi siullerpaamik qilalugartoqartarnera nalinginnaasuuvoq,
Qaanaami Aalisartut Piniartullu Peqatigiiffianni siulittaasoq Adolf
Simigaq Sermitsiamut oqarpoq.
Piffissami
matumani sikkorippoq, qalerallit takkussimaarneri pissutigalugit
aalisartut aalisarnissaat naatsorsuutigineqarpoq
Qaanaami 2026-mi qilalugartassiissutit
Qaanaami, Qeqertani Siorapalummilu qilalugartassiissutit:
Qilalugaq qernertaq: 105
Qilalugaq qaqortaq: 24
Tikaagullik: 3
Nanoq: 13
Najoqqutaq: Avannaata Kommunia
– Ilimagivallaanngilara piniartut
tamarsuarmik massakkut qilalugarnialernissaat, ilaannai soorunami
piniarusuleraangamik qilalugarniartassapput, massakkut piniartut amerlanerit
aalisarmata, Adolf Simigaq nassuiaavoq.
Qaammataasatigut assilisat atorlugit sikup sinaata aakkarnera malinnaaffigineqarsinnaavoq. Avanersuarmilu suli sikuusoq qaammataasaq atorlugu maajip ulluisa arfineq-aappaanni assilineqarsimasumi takuneqarsinnaavoq.
Assi: DMI.dk
Qilalugarniartarneq
Upernaakkut
sila kissakkaangat, sikueriartuleraangallu, piniartut
qilalukkerissallutik qaannisarlutik qimussimik aallartarput.
-
Sikup sinaa massakkut Kangerup nalaaniissorivara, Qaanaamiit 70-80
kilometerinik ungasitsigisumi. Sikup sinaa qalliartortillugu, silallu
qiianarunnaariartornera ilutigalugu sikup sinaanut qilalukkiartarneq
nuannersiartuinnartarpoq, Adolf Simigaq oqaluttuarpoq.
Qilalukkat
imarornersaqartillugu illuarneq ajorput, ukiuuneranilu
ungasissumiinnerat kaperlaallu taarpallaartarnera pissutigalugu
piniarneqarneq ajorput.
– Oqaatigilara,
amerlasooriarluta aamma oqaatigisarparput, ukioq tamaat immami
aalanermi saatsinni tasamani, Qaanaap avataani ukioq kaajallallugu
qilalugaqartuaannarpoq, Adolf Simigaq oqarpoq.
Ukioq
manna qilalugarniarneq
Silap
pissusaa, qilalukkallu misikkarissusaat apeqqutaatillugu qaannamik
qilalugarniartoqartarpoq. Qilalugarniarnerullu qanoq innissaa ukiumiit ukiumut eqqoriaruminaassinnaasarpoq.
-
Qilalukkat ukioq kingulleq pisariuminaannerat pissutigalugu
qilalugartassiissutit tamakkerneqanngillat. Ukiut marluk matuma
siorna qilalugartassiissutit nungunneqajaarput, qilalukkat ukioq
taanna pisariuminarnerat pissutigalugu, Adolf Simigaq naggasiivoq.
