Sulisitsisut: Taamaammat siulittaasoq tunuarpoq

Sulisitsisut Kattuffianni siulersuisuni siulittaasup Krissie Berthelsen Winbergip tunuarnerani Jens Peter Pars siulittaasuugallartutut inissittoq, Sermitsiami ataasinngornermi allaaserineqarpoq.

Sooq tunuartoqarnersoq, Sulisitsisut maanna nalunaarutigaat.

Sulisitsisut kattuffiat naapertorlugu Krissie Berthelsen Winberg nammineq piumassutsiminik siulersuisunit tunuarniarluni aalajangerpoq:

– Suliffeqarfimmi suliassaqarnerulerneq siulersuisunilu siulittaasup inissisimaffia iluamik tamakkiisumillu ukkatarineqarlunilu pingaarnersiorneqarnissaa pingaartillugu tunuarniarluni aalajangertoq, Sulisitsisut allapput.

Siulittaasuugallartutut inissittup Krissie Berthelsen Winberg kattuffimmut iliuuserisimasai pillugit qutsavigaa:

– Krissie Sulisitsisuni sulinermini kattuffiup suliaanut ineriartorneranullu tunniusimalluinnarpoq. Krissie ilaatigut Naalakkersuisut oqaloqatigilluarnissaannut peqataasarpoq. Siulersuisut kattuffillu sinnerlugit annertuumik suliaqarsimanera pillugu qujaffigerusuppara. Pitsaanerpaamik siunissami kissaapparput, Jens Peter Pars oqarpoq.

Sulisitsisut ilisimatitsipput Krissie Berthelsen Winbergip akunnittarfinnut neriniartarfinnullu ataatsimiititaliami ilaasortaanermigut, kattuffimmi suliniuteqarnini ingerlatiinnaraa.