ALLAASERISAQ ANINGAASALIIFFIGINEQARTOQ

Tusass aatsaat taama akikilliliitigisoq

Aki nikisinnagu tallimariaammik dataqarnerulerneq

Assi: Tusass

Suut tamarmik akitsoraluttuinnarfianni Tusassip mobiilitigut atuisuuffinni killormorluinnaq pisoqarpoq. Atuisuuffiup nuannarineqarnerpaap dataa tallimariaammik qaffanneqarpoq, atuisuuffillu akisunerpaaq 699 koruuniniit 499 koruuninut apparneqarluni

Inuuniarnerup aatsaat taama akisutigilernerata nalaani Tusass killormut iliuuseqarluni mobiilitigut atuisuuffiit akikillerujussuarpai. Tusass atuisuuffiit nutaat saqqummiunneqarneranni piffissamut nutaamut ikaarsaarpoq, akit ullutsinnut naleqqussarlugit atuisullu aningaasaatiminnik pissarsiaqarnerusinnaanngorlugit. Allannguut annerpaaq tassaavoq mobiilitigut atuisuuffiup akisunerpaap 699 koruuniniit 499 koruuninut appartinneqarnera.

Ukiuni 100-ni Kalaallit Nunaat aallaavigalugu

Tusass kalaallinit pigineqarpoq, ukiullu 100-t sinnerlugit attaveqaatinik suliaqartutut nuna aallaavigalugu sullissilluni. Akinik appaaneq innuttaasunut qanimut attaveqarnermit aallaaveqarpoq, inuiaqatigiinnullu inuuniarnerup aatsaat taama akisutiginerani utertitseqqikkusunnermik kissaateqarnermit aallaaveqarluni.

”Suliffeqarfik inuiaqatigiinniit pigineqartoq ukiut 100-t sinnerlugit kiffartuussineq kalaallit aallaaveqarpoq. Piffissami suut tamarmik akisuneruleriartuinnarneranni, inoqutigiippassuarnut ilungersunartorsiorfiunera ilisimalluarparput – maani nunarsuullu sinnerani” Tusassimi pisortaaneq Jonas Hasselriis oqarpoq, nangipporlu:

”Attaveqaatinik suliaqartutut Kalaallit Nunaanni pigineqartutut akisussaaffimmik tigusilluta suut tamarmik akitsoraluttuinnarnerat akiortariaqarparput. Akinik appaanitsigut innuttaasunut amerlasuunut ulluinnarni aningaasatigut oqilisaassivugut”.

Tusassimi mobiilitigut atuisuuffiit nutaat

Atuisuuffiit nutaat pingasuupput, nunamilu tamarmi atuullutik.

Atuisuuffiit:

1 GB 129,- koruuni.
10 GB 349,- koruuni
100 GB 499,- koruuni. Atuisuuffik 5G-mik aamma atuisinnaavoq, nunanilu allani 20 GB atorneqarsinnaalluni.

Malugiuk: 'Nunani allani Tusass' atuisuuffimmi annerpaami taamaallaat atorneqarsinnaalerpoq (annerpaamik 20 GB).

Meeqqanut atuisuuffiit:

1 GB 89,- koruuni.
10 GB 149,- koruuni. ( Akia nikisinnagu 3 GB-miit 10 GB-mut qaffanneqarpoq ). Nunani allani Tusass aamma atuuppoq.

Suliffeqarfinnut atuisuuffiit:

3 GB 199,- koruuni.
100 GB 499,- koruuni. ( Nunani allani Tusass 20 GB + 5G-lu ilaapput)
200 GB 699,- kr.-imut. ( Nunani allani Tusass 50 GB + 5G-lu ilaapput )

Aki nikisinnagu tallimariaammik dataqarneruneq

Nutaanik akeqalerneq naleqqussaanerinnaanngilat, atuisuuffinnilli annertusaanerulluni. Atuisuuffik akisunerpaanikoq 699 koruunilik atorunnaavippoq, maannalu atuisuuffinni nuannarineqarnerpaat – 20 gh 499 koruunilik – akisunerpaanngorluni.

Taanna annertusillugu akia nikisinnagu 100 GB-nngorpoq. Taamaalilluni atuisut akiliutigisartagaat nikinnani tallimariaammik annertunerusumik dataqalerlutik.

"Atuisuuffik nuannarineqarnerpaaq allanngortillugu tallimariaammik allivarput. 20 GB-mut aningaasat atorneqartartut allanngornagit 100 GB-i neqeroorutigineratigut ullutsinni internettikkut isiginnaartoqartarneranut, sulisoqartarneranut ilinniarnermilu atorneqartarneranut pisariaqartitsineq naleqqussarparput” Tusassimi neqerooritinut pisortaq Runo Fencker-Noahsen oqarpoq.

Atuisut nukarliit nutarterinermi aamma puigorneqanngillat. Meeqqanut atuisuuffiit annersaat 7 GB-mik dataqarnerulerpoq, maannalu 149 koruunip akia nikinnani 10 GB-mik dataqartoqarsinnaanngorluni.

Aningaasaliinerujussuarnit anguneqartop

Tusassip maanna pitsanngorsaalluarnera ukiorpassuani nunap digitalikkut tunngaviata nukittorsarneqarneraniit anguneqarpoq.

"Attaveqaasersuutit ukiorpassuarni aningaasaliiffigisarlugit anguniagaqarnikkut oqaluttuarisaanermi maanna pivisunngortitsisinnaanngornermik kinguneqarpoq. Attaveqaatit pitsaassusaat qajannaallisarnerallu anguniarlugu ulapissimaqaagut, ilaatigut immap naqqatigut kabeleqalernikkut, nunap annersaani mobiilitigut atuisuuffiit annertusarneratigut 5G-llu nutartertuarneratigut” Jonas Hasselriis oqarpoq, nangipporlu:

”Aningaasaliissutiniit teknikikkut aningaasatigullu kingunerat maanna malugisinnaanngorsimavagut. Iluaqutissartaalu atuisunut ingerlaannaq agguataarnissaat pissusissamisoorsoralutigu”.

Atuisuuffiit nutaat nunami tamarmik atorneqarsinnaalissapput, tassani illoqarfimmi angisuumiinneq nunaqarfimmilu minnerusumiinneq apeqqutaatinneqassanani. Kikkulli tamarmik 5G-qalersinnaanngillat, taannaqalerniaraannimi najuqarfimmi 5G-mut attaveqarnissaq pisariaqarmat. Datalli akillu atuisunut tamarmik assigiissapput.

Isumannaallisaaneq nutaarsiassallu nutaat takkutissasut

Tusass nutaanik akeqalertitsinerup dataqarnerulertitsinerullu saniatigut kalaallit atuisunut isumannaallisaanermik annertusaavoq. Piffissami nunarsuarmi nittartakkatigut saassussisoqarsinnannerata aarlerinarnera annertusigaluttuinnarnerani taamaaliornissaq pingaaruteqarpoq.

Atuisuuffiit nutaat maajip sisamaani atulersinneqarput. Tusassip atuisunut ikaarsaarnerup pisariitsuunissaa isumagaa, amerlanerpaallu nutaanut pitsaanerusumillu atugassaqartitsiviusumut nammineq nuunneqarlutik. Taakkuli kisimik nutaarsiassaanngillat.

"Atuisuuffiutitsinnik pitsanngorsaanitta una aallartinnerinnaraa. Atuisutsinnut neqeroorutitta pitsanngorsarnerat suli naammassinngilaq, ukiullu ingerlanerani internettimi atuisuuffiit pitsanngorsarnerat saqqummiunnissaa naatsorsuutigaarput,” Runo Fencker-Noahsen naggasiivoq.

Allaaserisaq Tusass-imit aningaasaliiffigineqarpoq.