Assit takukkit

Ukiaq Kujataani ulapaarfiusoq. Savanik toqoraanermit assit takukkit

Savaatillit toqoraavinnilu sulisut septembarip qiteqqunneraniilli ulappupput. Ukialerneranimi savaaqqat savallu ungpprmeqartarput oktobarillu naannginnerani savaateqarfinnit Narsami Neqip toqoraavissuanut assartorneqartarlutik. Ungoorinerup ingerlanera assinngorlugu AG-mi takusassiaraarput.

Savat, savaaqqat, nersussuit tuttullu ukiut tamaasa septembarimit oktobarip tungaanut toqorarneqartarput. Qassiarsummi eqqaannilu savaaqqat katersorneqareeraangata umiarsuarmik 'Viking II'-mik Narsamut ingerlanneqartarput, tassani toqorariarlugit, poortorneqartarput nunatsinnilu tuniniaavinnut nassiussorneqartarlutik. Sermitsiaq.AG Narsami Qassiarsummilu ungoorinermi malinnaavoq.

Assi: Birgitte Kjeldsen

Birgitte Kjeldsen Birgitte Kjeldsen Tusagassiortoq

Saqqummersinneqarpoq 6. Oktobari 2026 - 11:01

Qassiarsummi ullaaralaakkut assiliisaq, tassani savaaqqat savallu kingullertut aqqutissaannit ammukartinneqarput. Talittarfiup tungaanut ingerlaniassammata nipiliorfigalugit ersaattaaffigalugillu siggartarfigisarpaat.

Aqqisiaq Frederiksen 25-nik ukiulik ullaaq manna ikiuuttunut ilaavoq. Mikisuunerminiilli ataatami Tasiusami savaateqarfiani ikiuuttarpoq, maanna savaateqarfimmik ingerlatitseqqiinissani takorluugaraa.

Kuluk Frederiksen Qassiarsummeersoq savanik Viking II-mut ikisunuk kisitsivoq. Savaaqqat 540-t ulloq taanna kisinneqarput.

Savaaqqat ilaat ikitinniarneqartarput. Savaaqqat siulliit umiarsuarmut ikigaangata sinneri malinnaasarput.

Qassiarsummi savaateqarfiit pingasuupput. Kangerlummili akianilu savaateqarfiit arlaqarlutik. Tassani savarpassuaqarpoq narsaatillu ataasiakkaat takussaallutik - taakku saniatigut takornarialerineq suliallu allat aallunneqartarput.

Umiarsuup naalagaa Kasper Motzfeldt (qeqqani), uumasut nakorsaat Pernille Röhling (talerperleq) aamma Erneeraq Knudsen (saamerleq) umiarsuarmik Viking II-mik Qassiarsumut savaaqqanik aallersut. Umiarsuaq 1961-imeersoq ullualuit teknikkikkut ajornartorsiuteqarreerluni arfininngornermi ullaakkut kiisami angalasinnaanngorpoq.

Akunnialuit angalareerlutik ’Viking II’ Qassiarsumut qanillivoq. Makku umiarsuarmi sulisoq ikaartarfimmik piareersaavoq savat ikaarsinnaaniassammata.

Ulluni arlalinni umiarsuarmik angalasoqarsimananilu Narsami toqoraasoqarsimanngilaq, maanna savaatillit Qassiarsummi taliffissiami savanik savaaqqanillu assartuinissamut utaqqipput. Umiarsuaq savaaqqanut 580-inut inissaqarpoq.

Toqoraasoqarnerata nalaani Danmarkimi inuussutissanut aqutsisoqarfimmit aamma Kalaallit Nunaanni Uumasunut nakorsaqarfik inuussutissalerinermullu oqartussaqarfimmit Narsami Neqimi aamma najuuttarput. Savat toqorartinnagut toqoraaviup uumasuusiviani ullaat tamaasa misissorneqartarput.

Savaaqqat savallu savaateqarfimmit sorlerneersuunerat misilittagaqanngikkaanni immikkoortikkuminaapput. Siutinut nalunaaqutsersuutit allunaasat ilisarnaatillu allat atorlugit, uumasut kikkunnit pigineqarnerat savaatillit takusinnaaasarpaat.

Qassiarsummi savaatillit savaatillip Suulut Hansenip savaatai 'Viking II'-mut issorarniarneranni ikiuupput. Savaatillit nunalerisullu akornanni pisinnaasut tamarmik ikiuuttarput.

Narsami toqoraaviup Neqip pisortaata Ole Vestergaardip umiarsuarmik assartuinissamut pilersaarut aamma sullnermi pilersaarut ulapputigai.

'Viking II' Qassiarsummi Suulut Hansenip savaateqarfia usilluni sanioqqullugu ingerlaarpoq. Savat ukioq manna toqorarneqartussat nungunnissaata tungaanut taamatut assartuissapput.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.