- Nunatta ilamerna frimærkitulluunniit mikitigisoq tunniunnavianngilarput, Naalakkersuisut siulittaasuat Jens-Frederik Nielsen aalajangersimasumik taama erseqqissaavoq.
Tamatumunnga taarsiullugu Amerikamiut kalaallit frimærkiinik piumasamittut amerlatigisunik pisisinnaapput, maannalu periarfissaqalerlutik.
- Nunatta ilamerna frimærkitulluunniit mikitigisoq tunniunnavianngilarput, Naalakkersuisut siulittaasuat Jens-Frederik Nielsen aalajangersimasumik taama erseqqissaavoq.
Tamatumunnga taarsiullugu Amerikamiut kalaallit frimærkiinik piumasamittut amerlatigisunik pisisinnaapput, maannalu periarfissaqalerlutik.
Nunatta allakkerivia Tusass frimærkinik Bostonimi saqqummersitsinermut 2026 World Expo-mut, USA-mi illoqarfissuarmi tassani maajip 23-annit 30-annut pisussamut peqataassaaq.
Kalaallit frimærkii allakkanut nassiussanut nipitittagaannaanngillat, aammali Nunarput pillugu oqaluttuartuullutik.
Tusass ukioq manna frimærkinik 24-nik saqqummersitsissaaq, assitaliunneqartartullu tassaallutik Nunatta naasui, qaannat oqaluttuassartaat, nunap immikkoortuineersut qimussit, Sermitsiaq illoqarfimmut ilisarnaataasoq, siullerpaamik Aasiveqarneranit ukiut 50-inngornerat, Ittoqqortoormiini seqernup pulanera, nuna tamakkerlugu qimussernermi pissartanngorniunneq, ulluinnarni sapiitsuliortut, juulli nuannersorsuaq soorunamilu Frederik X kunngitut. Assitaat eqqumiitsuliortunit nutaanit ilisimaneqareersunillu suliaapput, taamaalillunilu frimærkit kalaallit assilialiaannik saqqummersitsiviusarlutik.
– Bostonimi saqqummersitsivitsinni tikeraat tamarmik frimærkit aamma allagartalerinermik suliaqartut aqqutigalugit Kalaallit Nunaata ilamernganik misigisaqarnissaannik periarfissaqarluarnissarput qilanaaraarput, frimærkinut pisortaq Allan Pertti Frandsen oqarpoq.
– Bostonimi saqqummersitsivitsinnut takuniaasut tamaasa frimærkit aamma frimærkinik katersisartut aqqutigalugit Kalaallit Nunaata ilamernganik misigisaqarnissaannik periarfissaqartitsilluarnissarput qilanaaraarput, frimærkinut pisortaq Allan Pertti Frandsen oqarpoq.
Tusass New Yorkimi nunarsuarmiunut saqqummersitsinermut 2016-imi aamma peqataavoq. Frimærkinut qullersaq Allan Pertti Frandsen qiterliusoq takuneqarsinnaavoq.
Assi: Tusass
Amerikamiunut attaveqarneq
Nunatta USA-llu akornanni pissutsit maannakkut aserorsaataasunik qunusaarinernit sunnersimaneqartorujussuupput, tamakkulu innuttaasunut sunniuteqartorujussuullutik. Nunatut sanileriilluartoqaraluartoq tamanna kisimi ajoqutaavoq.
Tusass-ip Bostonimi saqqummersitsinermini frimærkinik nutaanik marlunnik Amerikamut attaveqarneq pillugu nersorinninnernik saqqummersitsissaaq.
Frimærkimi siullermi Leif Iluanaarajooq Kujataanit Amerikamut imaatigut angalasimasoq takuneqarsinnaavoq.
- Christoffer Columbusip Amerikamut angalanissaa ukiunik 500-nik sioqqullugu. Frimærkit aappaanni Norgemiup timmisartortartup Thor Solbergip USA-mit Europamut 1935-mi timmisartornermini Qaqortumut Tasiilamullu aqqusaarnera malinnaaffigineqarpoq.
– Frimærkit taakku marluk Atlantikukkut attaveqaqatigiinnermi Kalaallit Nunaata inissisimaffianik erseqqissaapput, vikingit nalaanniit 1900-kkunni maligassiuillutik timmisartortarsimasunut, Allan Pertti Frandsen oqarpoq.
Kigartuisartup Martin Mörckip frimærkit taakku marluk assiliartalersorpai, saqqummersitsinerullu ulluani siullermi atsioqattaartussaallugit.
USA-mi ukiut qulit qaangiunneri tamaasa nunarsuarmiunut saqqummersitsisoqartarpoq, Tusass-ilu Washingtonimi 2006-imi aamma New Yorkimi 2016-imi peqataalluni.
Leifi Iluanaarajooq Vinlandimukartoq.
Titartaasoq: Martin Mörck
