KL

DK

Holmens kirkemi tusarnaartitsineq juullerpalaartoq

Danskit ilageeqarnermut ministeriat Morten Dahlin (V) Holmens Kirkemi naalagaaffeqatigiinneq pillugu pingasunngormat tusarnaartitsinermut qaaqqusivoq. Nina Kreutzmann Jørgensen erinarsortut ilagaat, taassumalu Silarsuaq takuiuk aamma Naluara erinarsorlugit.

Nina Kreutzmann Jørgensen Holmens Kirkemi pingasunngornermi decembarip pingajuanni ukiumoortumik juullimut tusarnaartitsinermi erinarsorpoq.
Trine Juncher Jørgensen TUSAGASSIORTOQ / TUSAGASSIORTOQ
Saqqummersinneqarpoq

Ilageeqarnermut Ministeri Morten Dahlinip Holmens Kirkemi pingasunngornermi decembarip pingajuani juullimut tusarnaartitsinissamut Folketingimi ilaasortat tamaasa qaaqqummagit, oqaluffik inunnik ulikkaavippoq. Tusarnaartitsinermi nipilersortartut naalagaaffeqatigiinneersut appisimaarmata folketingimi ilaasortat tusarnaariat ilagaat.

Qallunaat ilisimatusartut erinarsoqatigiivi "lille MUKO" aaqqissuussaq aallarnerlugu juullisiutinik erinarsorlutik appipput.

Kalaallit Nunaanneersoq Nina Kreutzmann Jørgensen qaaqqusat ilagaat, taassumalu “Silarsuaq Takuiuk” aamma “Naluara” erinarsorlugit tusarnaartitsivoq.

Savalimmiuneersup Teiturip ”Højens Top”, ”Nú brestur á vid vesturætt” aamma ”Utrolighedens frø” erinarsorpai.

Tusarnaartitsineq erinarsuummik ”Dejlig er Jorden”-imik naggaserneqarpoq, tassani versi siulleq savalimmiormiutut, versit aappaat kalaallisut versillu pingajuat oqaluffimmiittut tamarmik qallunaatut erinarsorpaat.

Tusarnaartitsineq nalunaaquttap akunneranik ataatsimik sivisussusilik Ole Faurschoumit aqunneqarpoq, Holmens Kirkemilu organisti Jakob Lorentzen pattattuulluni.

placed morten dahlin rigsfællesskabet kultur juullimut tusarnaartitsineq inissisimaneq holmens kirke nina kreutzmann jørgensen

Atorfiit tamaasa takukkit

PODCASTI

Powered by Labrador CMS