UNNIA

H.E.J. nersorniarneqartut

Johannes Mølgaard aamma Herluf Møller nipilersoqatitillu H.E.J. Ilulissat timersortarfissuani januaarip 30-ani tusarnaartitsisut.

Assi: Avannaata Kommunia

Masauna Peary Masauna Peary Journalist

Saqqummersinneqarpoq 15. Februaari 2026 - 13:31

Johannes Mølgaard aamma Herluf Møller, H.E.J.-ikkunni nipilersortartut, nipilersoqatigiit ukiunik 50-inngortorsiornerat malunnartinniarlugu Avannaata Kommunianit immikkut ittumik qaaqquneqarlutik Ilulissaniipput.

Nipilersoqatigiit H.E.J. Ilulissat timersortarfiani tallimanngornermi januaarip 30-ani tusarnaariarpassuarnut nuannisartitsisimasut, Avannaata Kommunia tusagassiuutitigut nalunaarummi allappoq.

H.E.J.-ikkut tallimanngorneq januaarip 31-iani tusarnaartitsinerannit.

Herluf aamma Johannes ukiorpassuarni nipilersuusiatik aqqutigalugit innuttaasunut nuannaartitsisarsimanerannik qutsavigalugit, Avannaata Kommunia nittartakkamini allaaserisaqarpoq.