Ilisimatusartut tallimat paasisaqartinniarluta unammissasut

ArnâraK’ Patricia Bloch, Frederik Braüner, Hans Peder Kirkegaard, Louise Pindstrup Scavenius aamma Viktor Gårdman tamarmik immikkut minutsit tallimat atorlugit Katuami scenemut qaqillutik ilisimatusarnertik pillugu tusarnaartunut novembarip 13-ani paasissutissiissapput.

Taakku tallimat Paasisavut 2026-mi ajugaaniutivissapput, tassani ph.d.-nngorniartut ph.d.-nngorlaallu Kalaallit Nunaat pillugu ilisimatusarnermik siammarterinermut unammisarput.

ArnâraK’ Patricia Blochip inuusuttut imminoriaraluarnerminni aniguisimasut oqaluttuaat, ilaatigut qanoq inuulluataarnerulertoqarsinnaanersoq imminornissarlu pinaveersaartinneqarsinnaanersoq, misissorpai.

Frederik Braüner illussanik titartaanermi illoqarfimmilu pilersaarusiornermi ilisimatusartoq Danmarkip nunasiaatilittut politikkimini illoqarfinnut inissianullu qanoq sunniuteqartarsimaneranik misissuivoq.

Hans Peder Kirkegaardip isumannaallisaanermut politikki allanngormat politikerit inissisimaffiat misissorpaa, Louise Pindstrup Scaveniusillu atuartut misigisaat misissorpai, tassani ilinniartitsineq perorsaanerlu qanoq ilillutik atuartut ilinniagaqarnissaannut iluaqutaasinnaanersut misissorlugu.

Victor Gårdmanip ippernat pinngortitami qanoq pingaaruteqartiginerat uumasullu assigiinngitsut imminnut qanoq sunniuteqartarnerat misissoqqissaarsimavaa.