Inuit nuimasut tallimat Issittumi akisussaassuseqarluni takornariartitsinermik aallartitanngortut

Andra McKenzie Seabournimiit, Sebastian Charge Adventure Canadamiit, Aaron Lawton Vikingimiit, Annika Rautiola Ponantimeersoq aamma AECO-mik pilersitseqataasoq Martin Karlsen issittumi akisussaassuseqarluni takornariartitsinermut aallartitat siullersaallutik toqqagaapput. Kattuffik taama tusagassiuutitigut nalunaaruteqarpoq.

Aallartitat taakkua tallimat umiarsuarnik takornariartaatinik takornariartitsinermik suliaqartut assigiinngitsut sinnerlugit peqataapput, kattuffiullu anguniagaanut, naleqartitaanut, najoqqutassiaanullu aallartitaasinnaanissartik anguniarlugu immikkut ilinniartinneqarlutillu nalilersuunneqarsimapput.

AECO-p pisortaanerata Frigg Jørgensenip aallartitatut toqqarneqartut nuannaarutigai.

- Nuannaarutigalugu tulluusimaarutigalungulu taakku eqimattat perngaammik AECO-mit aallartitatut toqqarneqartut tikilluaqqorusuppagut. Taakkua tunniusimanerat, misilittagaat iliuuseqartarnerallu Issittumi oqariartuutigisatta siammarternissaanut, akisussaassusermillu pingaartitsinermik siuarsaanitsinnut iluaqutigissavagut.