Isumassarsiamiit nuna tamakkerlugu ukiuunerani ileqqumut

Nuummi taarsiartornerani aputikkoortillunilu qeraarpalunnerani immikkuullarissoq aallartikkiartulersarpoq. Matut ammarneqarlutik qaamaneq siaruartarpoq – Unnuk Kulturisiorfik allartippoq.

”Nunatta Atuagaateqarfiani issiarusaarluni oqalorujoornermit aallartippoq” atu­akkanik atorniartarfimmi pisortaq Elisa Petersen oqarpoq, taanna Unnuk Kulturisiorfiup aallartinneraniit ataqatigiissaarisuuvoq. Nangipporlu:

”Illoqarfimmiut tamarmik ataatsimoorfiginnaasaannik misiliinissaq soqutigineqarpoq. Aaqqissuussaq qanoq angitigilerumaarnersoq ilisimaneqanngilaq.”

Unnuk Kulturisiorfik 2001-imi misiligutitut aallartippoq, oqallinnerit isumassarsiorfigalugit – ingerlaannarli januaarip qaammataani takeqisumi kulturimut, ataatsimoornermut kialaarnermullu saappoq.

ATUARUK AAMMA

E-aviisi: Unnuk Kulturisiorfimmut sammiaq

Nuummiit nunap sinneranut

Unnuk Kulturisiorfik siulleq aaqqissuunneqarneraniit illoqarfiit nunaqarfiillu allat, ukiup ingerlanerini amerligaluttuinnartut, ilanngupput.

“Illoqarfinni nunaqarfinnilu peqataasoqarnera pingaaruteqarpoq, takutippaami kulturinik assigiinngitsunik paasinninneq ataatsimoornerlu sumiiffimmi ataa­siinnarmiinngitsoq, nunamili tamarmi atuuttoq.”

Nunatta Atuagaateqarfia ukiorpassuarni ataqatigiissaarisuusarpoq, inunnullu amerlasuunut atuakkanik atorniartarfik paasissutissanik pissarsiffissatut suli pissusissamisoortumik isigineqartarpoq. Tassani kaagit, boorlut, pølsehornit naasullu nerrivinni sassaalliutigineqartarput – inoroorsaarnermik ersersitsineq ileqquulersimasoq.

Ataatsimut misigisaq

Unnuk Kulturisiorfiup ingerlanneqarnera aallaqqaataaniilli illoqarfimmi malugineqarsinnaajuaannarpoq.

Atuakkanik atorniartarfimmiit naneruarfiit aaqqissuisunut ukiuni siullerni aggu­aanneqartarnikuupput – tamanna immikkut ittumik pisoqarneranut takussutissaavoq. 2004-mi Hans Egedep Oqaluffianiit Inussivimmut naneruarfilerluni ingerlaaqatigiinneq siullermeerluni aaqqissuunneqarpoq, tassani Arctic Winter Gamesimi qummoroortussat sinneri naggataarnersiorluni aallartinneqarlutik.

“Illoqarfimmiut tamarmik ataatsimoortutut misigilerput,” atuakkanik atorniartarfimmi pisortaq Elisa Petersen oqarpoq. ”Angakkuakkatullusooq ippoq”.

Digitalimik ineriartorneq tapersersorneqarnerujartornerlu

Unnuk Kulturisiorfik Tele Greenlandimit 2002-mi nittartakkamik tunineqarpoq, 2014-imilu nittartagaq app-ilu nutaaq saqqummerput. Digitaliseerinerup aaqqissuussineq pitsaanerulersillugulu innuttaasut suliffeqarfiillu imminnut nassaarilluarnerulersinnaaneranik pilersitsivoq. Maannakkut nittartagaq Kalaallit Nunaanni kikkulluunniit atorsinnaasaat kulturnat. gl atuuppoq. Nunatta Atuagaateqarfiata kulturnat.gl-imi pisussamik ikkussisinnaaneq allanngortippaa, paasissutissallu uunga nassiunneqartassallutik: Kulturnat@katak.gl

Politikerinit nersualaarneqartoq innuttaasuniilli piviusuutinneqartoq

Unnuk Kulturisiorfik politikkikkut ukiut ingerlaneranni tapersersorneqangaatsiartarpoq. Borgmesteriusimasut Agnetha Davidsen aamma Nikolaj Heinrich – kingusinnerusukkullu Asii Chemnitz Narup – oqalugiartarnikuupput aaqqissuussinermillu tapersersuisarlutik. Elisa Jerimiassen Unnuk Kulturisiorfimmik aallarniisutut qitiusumik sulinermigut Kommuneqarfik Sermersuumit suliniuteqarnermut 2015imi nersornaaserneqarpoq.

Elisa Petersenili naapertorlugu Unnuk Kulturisiorfiup nukiga politikkimit pinngorani innuttaasuninngaanneerpoq:

»Innuttaasut, peqatigiiffiit aamma pisor­tat suliffeqarfiutaat namminersortullu Unnuk Kulturisiorfimmik ingerlatsisuupput. Ilaqutariit, meeqqat utoqqaallu sumiiffimmiit sumiiffimmut ukiut tamaasa nutaanik misigisassarsiortartut. Anersaava tassanngaanneersuuvoq.«

Ukiorpassuarni ineriartortinneqareersimagaluarluni tunngaviusoq allanngorsimanngilaq:

»Unnuk kulturisiorfik matunik ammaassinermut tunngavoq,« Elisa Petersen oqar­poq. »Kulturilerisut kikkuunitsinnik takutitsineq - aammali assigiinngitsut akimorlugit naapinneq.«

Qungujulluni ima oqarpoq: “Meeqqat uluaat sinngorsimallutik qungujulasut bamsiutiminnik nakorsiussimasut kigutileriviliaassisimasulluunniit arpattut takugaangakkit, imaluunniit ilaqutariit sumiiffimmik nutaamik paasisaqarsimasut paasigaangakku.... eqqaaqqittarpara sooq taamaaliortarnerluta.”