Katuami
inersuaaqqami qitinnermik isiginnaagassiaq “Kolonisterne”
(Nunasisut,
aaqq.) arfininngornermi
sapaatiummallu isiginnaartitsissutigineqarmat, isiginnaartunut
inissat tamarmik ulikkaarsimapput.
Aamma
isiginnaagassiami isiginnaartuni tunorlerni taartumi
toqqorfissaqanngilaq. Alerlianimmi pisoqarpoq. Isiginnaartut
aallaqqaataaniilli isiginnaartitsinermut peqataatinneqalerput.
Katuami
inersuaaqqami qitinnermik isiginnaagassiaq “Kolonisterne”
(Nunasisut,
aaqq.) arfininngornermi
sapaatiummallu isiginnaartitsissutigineqarmat, isiginnaartunut
inissat tamarmik ulikkaarsimapput.
Aamma
isiginnaagassiami isiginnaartuni tunorlerni taartumi
toqqorfissaqanngilaq. Alerlianimmi pisoqarpoq. Isiginnaartut
aallaqqaataaniilli isiginnaartitsinermut peqataatinneqalerput.
Inersuaaraq
sakkortuumik ilaannikkullu eqqissinaatsumik issiavinnut
ingittaqattaarfiulerpoq, isiginnaartut nikuittarlutillu
issiavimminnik paarlaattarlutillu assatik qummut isaattarpaat
isiginnaartitsisarfimmilu qitittunit tallimanit — nunasiaatilinnit
— peqqussutinik malinneqqissaarlutik.
Tamanna
pinnguarnertut isigineqarsinnaavoq, aammami taamaappoq.
Quiasaarutiginninnerulli aamma quiasaarnerup ataatungaani toqqoqqasut
pissaanermik, naalagarsiortitsinermik nunasiaateqarnermilu
periaatsinik sakkortuumik isornartorsiuinermut tunngassuteqarput.
Isiginnaagassiaq,
ballet-imik aaqqissuisartunit Michael Tangimit aamma Lava
Markussonimit Bobbi Lo Produktionimut suliarineqarsimasoq, Nunat
Avannarliit nunasiaateqarsimanerannik ataatsimut
oqaluttuarisaanerannik misissuineruvoq.
Isiginnaagassiami ”Kolonisterne”-mi nunasiaateqarnerup oqaluttuarisaanera timikkut malugineqarsinnaavoq – isiginnaartitsinerup kingorna Katuami inersuaaqqami qulliit ikinneqareeraluarmataluunniit isiginnaartut suli sunnertisimasarlutik.
Assi: Alexandra Bergman
Isiginnaagassiap
nunasiaatilinnit oqaluttuarineqarnera sunniuteqarnerpaavoq.
Isiginnaartut taamaalillutik inuiattut nunasiaatigineqarsimasutut
inissisimalerlutik – assersuutaannartut pinnatik, aammali timikkut
malugisinnaasaminnik. Peqqussutigineqartunik maleruaasoqarpoq,
ingerlatinneqaqattaarput inilu aqunneqarsinnaajunnaariartuinnarluni.
Kalaallit Nunaanni pissutsit eqqarsaatigalugit oqaluttuarisaanermut
attuumassuteqarneq maluginianngitsuugassaanngilaq.
Isiginnaagassiaq
taamaalilluni oqqassaarillunilu maluginiarnartumik eqquilluartuuvoq.
Tamanna
pissutigalugu isiginnaagassiaq sunnertinnarlunilu eqqumiitsumik
oqaluttuarineqarpoq.
Pisut
inersuaaqqami arlaleriarluni illarnermik kinguneqartarput.
Sammineqartup oqitsuinnaanera tamatumunnga patsisaanngilaq,
pissutaasorli tassaalluni pissaanermik atornerluineq
uppernanngingajattumik imminut tatigerpalulluinnarluni
saqqummiunneqarnera, ilisarineqarsinnaasutut. Isiginnaagassiaq
quiasaarniutinik ilumoortunillu imaqarluarpoq, oqariartuutigineqartoq
oqimaatsunngortinngikkaluarlugu ileqqorissaarnermullu tunngatillugu
oqaaqqissaarinerunngikkaluartoq.
Qitittut
tallimaasut isiginnaagassiaq imaannaanngitsoq, timip nukinga atorlugu
inituumik takutitsilluarput. Qitinnermik ilitsersuineq, nipit
nipilersornerlu peqatigiillutik allanngorartuaannarput, aqutsineq
paatsiveerusimaarnerlu nikittaattuartillugit. Isiginnaartut pisussat
tulliuttut ilisimagajunngilaat – pissanganartorlu tamanna
misigisami qitiulluinnartup ilagaa.
Qitittartut tallimat Bobbi Lo Productionsimeersut qitinnermik ilitsersuussinikkut, nipinik nipilersornermillu atuillutik pissaaneqarneq, naalagarsiortitaaneq nunasiaatilittullu aaqqissuussaanerit pillugit isiginnaagassiamik sakkortuumik takutitsipput.
Assi: Alexandra Bergman
“Kolonisterne”
isiginnaagassiaavoq oqitsuinnaanngitsoq. Isiginnaagassiarli
sianiutinik attuisuulluni. Isiginnaagassiarmi tamakkerlugu
takoreerneratigut suli eqqarsaatigineqartuassaaq. Aamma
isiginnaartut, inuiaqatigiit nunasiaataasut, Katuami inersuaaqqamit
anereeraluarpataluunniit.
Immaqa
aamma tamannarpiaq pissutigalugu Nuummi eqquilluartuuvoq.
Nunasiaateqarnerup oqaluttuarisaanerata Nuummi pisimanera qangarsuaq
pisimasuunngilaq, ilisimatuussutsikkulluunniit oqallisaanani.
Oqaatsini, inuiaqatigiinni inuillu akornanni attaveqaqatigiinnerni
suli atuuppoq.
“Kolonisterne”
isiginnaagassiaavoq, isiginnaartunut isiginnaartitsinikkut suut
pisinnaanerannik eqqaasitsisussaq, tassa sapiisernikkut,
inuiaqatigiinni akuutitsinikkut annernarnerpaanik unammillernartunik
eqquinissamut sapiisernerugaangat. Nuummi attuumassuteqartutut
misinnaannanngilaq.
Pisariaqartinneqartutulli misinnarluni.
