Europami
Atlantikullu avannaani allakkeriviit minnerit 13-it ukiumut
ataasiarlutik sammisamut aalajangersimasumut tunngasunik nipitittakkamik saqqummersitsisarput. Ukioq
manna "Ikoniske vartegn“ (Ilisarnaatit
takorannersut aaqq.) qulequtarineqarpoq, Tusassimilu nipitittakkanut pisortap Allan Pertti
Frandsenip kalaallit nipitittagaanni assitaliunneqartussamik toqqaalerami qulanngilaq.
– Qaqqaq
Sermitsiaq kulturikkut pinngortitamilu Nuummut Kalaallit Nunaannullu
ilisarnaataavoq, Allan Pertti Frandsen oqarpoq.
Europami
Atlantikullu avannaani allakkeriviit minnerit 13-it ukiumut
ataasiarlutik sammisamut aalajangersimasumut tunngasunik nipitittakkamik saqqummersitsisarput. Ukioq
manna "Ikoniske vartegn“ (Ilisarnaatit
takorannersut aaqq.) qulequtarineqarpoq, Tusassimilu nipitittakkanut pisortap Allan Pertti
Frandsenip kalaallit nipitittagaanni assitaliunneqartussamik toqqaalerami qulanngilaq.
– Qaqqaq
Sermitsiaq kulturikkut pinngortitamilu Nuummut Kalaallit Nunaannullu
ilisarnaataavoq, Allan Pertti Frandsen oqarpoq.
Assiliaq
assiliisumit Lars Kleemann-Andersenimit, 43-nik ukiulimmit
suliarineqarpoq. Qulimiguulimmit assilisamini illoqarfiup
nutaaliaasup qaqqallu itsarnitsap imminnut attuumassuteqarnerat
takutippaa. Sermitsiaq uumassuseqarpoq, anorimit silamullu,
qaamanermit ukiullu qanoq ilinera apeqqutaalluni
allanngoriaannaasartoq. Nipitittakkap assiliartaani illoqarfik
qaqqarlu aasami kusanarnerpaatut takutinneqarput, Sermitsiaq Nuup
Kangerluanut isaariaavoq.
– Sermitsiaq
Kalaallit Nunaanni illoqarfiit pigaarnersaanni nunamut
qanilaassutsimut ilisarnaataavoq, Lars Kleemann-Andersen aviisimut
Sermitsiamut oqarpoq.
Kalaallit
Nunaanni qaqqat
Lars
Kleemann-Andersen Uummannameersuuvoq.
Lars Kleemann-Andersenip Sermitsiaq assilivaa.
Foto: Privat
– Illoqarfik
meeraaffigisara nammineq qaqqamik uummataasatut ilusilimmik
ilisarnaateqarpoq, Nunarpullu amerlasoorpassuarnik kusanartunik
qaqqanik pisuussuteqarpoq - assiliuminartunik. Qaqqamut ataatsimut
uteqqiassinnaavugut, tamatigullu allatut assilineqarsinnaaneranik
nassaartuarsinnaalluta.
Lars
Kleemann-Andersen Viborgimi tusagassiuutilerinermik ilinniarfimmi
assiliisartutut 1999-2004 ilinniagaqarpoq, tamatumalu kingorna Nuummi
Inuk Mediemi, Deluxus Studiomi Air Greenlandimilu sulisimalluni.
Taamani peqatigiiffimmi aallarterlaajusumi Filmfolk i Grønland maannakkut Film.gl-mi 2012-14 siulittaasuuvoq.
Nunat
13-it suleqatigiittut
Small
European Postal Administrations Co-operation, SEPAC-imik
naalisagaasoq, Europami Atlantikullu avannaani allakkerivinnik
minnernit attaveqaataavoq nipitittakkanik katersuiniarnermik
soqutiginnilersitsisuuvoq. Ullutsinni allakkat annikilleriartortillugit
nipitittakkanik katersuisartunut tuniniaasarneq suli niuerutaavoq
pingaarutilik.
SEPAC-imi ilaasortat tassaapput, Guernsey, Isle of Man, Jersey,
Irland, Liechtenstein, Luxembourg, Malta, Gibraltar, Monaco,
Vatikanet, Åland, Savalimmiut, Kalaallit Nunaatalu allakkerivii.
Kalaallit
Nunaanni SEPAC nipitittagaa ataatsimoorussamik qulequtalik
siullerpaaq 2007-imi saqqummersinneqarpoq.
