TIG-p allattoqarfiani pisortaq nutaaq

Norja Walther Transparency International Greenlandimi (TIG) allattoqarfimmi pisortatut 2026-mi septembarip aallaqqaataani atorfinitsinneqarpoq.

Norja Walther Ilisimatusarfimmi Issittumi Inuiaqatigiilerinermi kandidatitut (cand.scient.soc., aaqq.) ilinniagaqarsimavoq. Taanna TIG-ip allattoqarfiani siullersaalluni ulloq naallugu atorfilittut pisortanngussaaq. Maannamut allattoqarfiup suliassai ullup ilaannaa sulisumik peqatigiiffiullu siulersuisuinit isumagineqartarsimapput.

- TIG nunanit tamalaanit suleqatigineqarluni suliassarpassuarnik naammassinnissinnaalermat, tamannalu peqatigalugu nammineq periusissiatsinnik 2026-2030-mut malinninnissamut periarfissaqalermat nuannaarutigeqaara, siulittaasoq Inuk Lundblad Norja Walther pillugu oqarpoq, taannalu TIG-ip allattoqarfiani aqutsisussatut piumassuseqarluni tikilluni nammineq oqarpoq.

- Innuttaasut naalakkersueqataanerat, ammasuuneq assuarnaassuserlu, maanna periusitsinni tunngaviusut, siunissami sulininni najoqqutarissavakka, taanna oqarpoq.