Tuttut miluuttullit: Aavarfimmi qanoq iliussanerlutit paasiuk

Tuttut aggustip aallaqqaataanit oktobarip 31-ata tungaanut piniarneqartarput.

Tuttut amii neqaallu miluuttoqartut Naalakkersuisut aggustip aallartinnerani nalunaarutigaat. Miluuttut assigiinngitsut tallimat, ilaatigut trikinose, sarcocyster, qumaarsussuit kiisalu sullinernik amerniittartunik qanerniittartunillu miluuttunik nassaartoqarsimasoq tusagassiuutinut nalunaarummi ilisimatitsissutigineqarpoq.

Tuttut miluuttoqarnerinut takusutissat

Trikinose tuttuni miluuttuuvoq isaannarmik takuneqarsinnaanngitsoq. Tassaavoq quartaasaq inerinneqanngitsoq neqimiittoq. Trikinose uumasumiit inummut tuniluussinnaavoq, kisianni inummiit inummut tuniluussinnaanngilaq.

Sarcocystit tassaapput miluuttut isaannarmik takuneqarsinnaasut. Tuttup neqaa misissorlugu paasineqarsinnaapput, tassanilu neqimi titarnertut qaqortutut isikkoqartarput.

Qumaarsussuit miluuttuupput neqimi pullartaasatut mikisutut qaqortutullu isikkoqartut.

Tuttut amiini sullerngit inerinneqanngitsut tassaapput miluuttut tuttut meqquini inerittartut. Sullerngit inerikkaangamik tuttu qimallugu pinngortitami puuliortarput, kingornalu piaqqisarlutik.

Tuttut qarnani sullerngit miluuttut aammainerinneqaratik anersaartorfiiniittarput. Tunillatsittoqarsimaneranut takussutissat ilaat tassaavoq tuttup uippakajaarnera, tunillanneqarsimasullu sanigoratarsinnaapput.

Napparsimanaveersaarit

Miluuttut neqit qeritillugit, pujoorlugit panertillugilluunniit toqunneqarsinnaanngitsut tusagassiuutinut nalunaarummi allassimavoq.

Neqi nerineqarsinnaanersoq nalornissutigigaanni, Kalaallit Nunaanni Uumasunut Nakorsaqarfik Inuussutissalerinermullu Oqartussaaffik (UNIO) neqip nerineqarnaveersaarnissaanik kaammattuisarpoq.

Tuttuup neqaa miluuttoqarsimasoq, aamma uunarneqareeraangamiluunniit, qaserujuttuusarluniluunniit qaserujulluni-kajortuusinnaavoq.

Miluuttut uumaannarniarlutik uumasunik qaasuttunik pisariaqartitsimmata neqi miluuttulik pinngortitamut qimanneqassanngilaq. Miluuttunik siaruarterineq pinngitsoortinniarlugu neqi ikuallanneqassaaq arsaallu minnerpaamik nunami meterimik ititigisumut matoorneqassapput.

Aammattaaq qimmit neqimik miluuttulimmik nerukkannginnissaat pingaaruteqarpoq.