Antibulli – Ikioqatigiitta Nunafondenimit tapiiffigineqartut

Nunafondenip tapiissuteqarneratigut suliniut Antibulli – Ikioqatigiitta annertusineqarpoq. Aningaasaateqarfik taamaalilluni suleqatigiinnermut Assammik Arsartartut katuffiannit TAAK-imit, Hej Fondenimit aamma Mary Fondenimit aallartinneqartumut suleqataalerpoq. Nunafondenip piumassuseqarluni tapiissuteqarneratigut suliniut annertusineqassaaq Nunatsinnilu illoqarfinni amerlanerusuni ingerlanneqarsinnaalissalluni.

Nutaamik taama periarfissaqalernikkut suliniutip illoqarfinni Paamiuni, Tasiilami aamma Aasianni ingerlanneqarsinnaanera maanna qulakkeerneqarpoq. Illoqarfinni taakkunani qinngasaarisarnerup akiorniarnerani ataatsimoornerullu nukittorsarniarneqarnerani alloriarneq pingaarutilik tamanna suliniutip ineriartortinneqarneranut ilaavoq.

Antibulli – Ikioqatigiittap Nunatsinni pitsaasumik allannguiniarluni ataatsimoornerulersitsiniarlunilu sulinini ingerlatiinnarniarmagu Timersoqatigiiffiit Assammik Arsartartut Kattuffiata nuannaarutigaa. Taamaalilluni Antibulli – Ikioqatigiita Nunatsinni timersornermi siunissamut qinngasaariffiunngitsumut ataqatigiinnerusumullu ingerlaqqinniarpoq.