Arfininngornerup sapaatillu akornanni unnuaq aamma politiinut ulapaarfiusoq

Tallimanngormat Nuussuarmi politiit pinngitsaaliisoqarsimanerannik nalunaarfigineqartut, politiillu misissuinermik aallartitsisut, Kalaallit Nunaanni Politiit sapaammi ilisimatitsissutigaat.

Ipassaq arfininngornermi pinngitsaaliinermik suliaq alla taavarput, tassani angut ilulissani tigusarineqarpoq. Kingornalu taassuma tigusarineqarnera nalunaaquttap akunnerini 24-ni pingasuni tigusaanera sivitsorneqarpoq.

Ataatsimut isigalugu sapaatip akunnerata naanera suliassaqarfiusimasoq, pigaartut pisortaat Aputsiaq Hansen oqaluttuarpoq.

– Angerlarsimaffinni eqqissiviilliortoqarpoq, alakoortoqarluni, aqqusinerni eqqissiviilliortitsisoqarluni, imminut toqunnissamik siorasaarisoqarluni, imminut toqoriartoqarluni, persuttaasoqarluni, inunnillu kissaatiginngisanik anisitsisoqarlunilu imigassartorsimalluni biilertoqarpoq, taanna oqarpoq.

Imigassartorsimalluni biilerneq Ilulissani nal. 20.46 pisoq, pigaartut pisortaata ilassutigaa.