Inuusuttut sisoraatinik oqilaniulluni Nunatsinni pissartanngorniunnermi angusarissaartut

Nanna Møller, 16-inik ukiulik, pissartanngorniunnerni maluginiarnartuuvoq. Naak ullormi ammaanersiorfimmi napparsimanini pissutigalugu 10 kilometerit oqilaniunnermi peqataasinnaanngikkaluarluni arpannerni peqataaffigisamini tamani ajugaavoq.

Arnat unammineranni inuusuttuaqqat nukittuut peqataapput. Marika Magnussen (18) aamma Sasja Joelsen Hendriksen (19) siuttuupput OL-imilu peqataasimasoq misilittagaqarnerusoq Ukaleq Slettemark (24) peqatigalugu unamminerit pitsaalluinnartunngortippaat.

Ukioq manna Nuummi sisoraatinik oqilaniulluni pissartanngorniunnermi inuusuttut, ingammik arnat, arpattartut angusarissaarneruleriartortut erseqqippoq.

Sisoraatinik oqilaniuttarnermik ataatsimiititaliaq taamatut tusagassiutitigut nalunaaruteqarpoq.

Angutit unamminerat assigiiaarneruvoq. Bent Salling unamminerni tamani angusarissaarami isorartussutsini tamani ajugaavoq. Sprintimili 18-inik ukiulimmit Qunaaq Jensenimit unammillerneqarpoq, taannalu angusarissaarluarpoq.

Nuummi pissartanngorniunneq aaqqissuisut NUP-meersut kusanartumik ingerlalluartumillu aaqqissuuppaat. Pissartanngorniunnermi peqataasut kinguaariit assigiinngitsut – meeqqanit sungiusarsimasunut – aamma timersortartut innarluutillit peqataapput. Tamanna kalaallit sisoraatinik oqilaniuttarnerisa siammarsimassusianut ineriartorsimanerannullu ersiutaavoq.

Ukioq manna sisoraatinik oqilaniulluni Nunatsinni pissartanngorniunnermi angusat, Sisorartartut Kattuffianniit paasissutissinneqartut matumani takusinnaavatit:

10 km klassiskit + friteknik

Arnat:

1. Ukaleq Slettemark (NSP)

2. Marika Magnussen (NSP)

3. Sasja Joelsen Handriksen (SSP)

Angutit:

1. Bent Salling (NSP)

2. Qunaaq Jensen (NSP)

3. Karl Emil Blicher (NSP)

1,5 km sprint friteknik

Arnat:

1. Nanna Møller (NSP)

2. Ukaleq Slettemark (NSP)

3. Marika Magnussen (NSP)

Angutit

1. Bent Salling (NSP)

2. Qunaaq Jensen (NSP)

3. Frederik Lundblad (NSP)

Iligiilluni unammineq:

Arnat:

1. NSP iligiit 1, Nanna Møller aamma Ukaleq Slettemark

2. NSP iligiit 2, Marika Magnussen aamma Matilde Le Moullec

3. SSP Danielle Bridle aamma Sasja H. Joelsen

Angutit:

1. NSP iligiit 1, Qunaaq G. Jensen aamma Bent Salling

2. NSP iligiit 2, Michael Clasen aamma Frederik Lundblad

3. NSP iligiit 3, Karl Emil Blicher aamma Elias Wallbohm Nordahl

30 km klassiski:

Arnat:

1. Nanna Møller (NSP)

2. Marika Magnussen (NSP)

3. Ukaleq Slettemark (NSP)

Angutit:

1. Bent Salling (NSP)

2. Michael Clasen (NSP)

3. Frederik Lundbland (NSP)