Laila Salling Elite Sport Greenlandimi siulersuisunut nutaanut ilaasoq

Elite Sport Greenlandip ukiumoortumik ataatsimeersuarnerani siulersuisut nutaat qinerneqarput.

Karl Peter Kristensen, Christina Johnsen aamma Laila Friis-Salling ilaasortatut nutaatut qinerneqarput.

Elite Sport Greenland tusagassiuutitigut nalunaarummi allappoq.

Ilaasortaajunnaartut tassaapput Inooraq Brandt, Niviaq Chemnitz Berthelsen aamma Ann Arnfjord.

Taakku Kalaallit Nunaanni timersornerup qaffasissup ineriartortinneqarneranut annertuumik suliniuteqarnerat tapersersuinerallu Elite Sport Greenlandimiit qujassutigineqarpoq.

- Kalaallit Nunaanni timersorneq qaffasissoq ineriartorpoq, politikkikkullu soqutigineqarluarpoq. Siulersuisut nutaat suleqatiginissaat qilanaaraara, tassani pingaarutilimmik suliassaqarpugut, tassa qaffasissumik timersortartut nunani tamalaani angusarissaarnerulernissaannut tapersersuinissaq, siulittaasoq Angutinnguaq Hegelund-Tittussen oqarpoq.