Nuummi arpannermik unammineq nutaaq

Backyard Ultra-mik unammissutaasussaq nutaaq taaguuteqassaaq, pilersaarutillu malillugit marsip arfineq-aappaanni ullaakkut arfineq-marlunut aallartissaaq, timersoqatigiiffik Runderful Nuuk Facebookimi quppernermini taama ilisimatitsivoq.

- Backyard Ultra 6,7 kilometerinik isorartussuseqarpoq nalunaaquttallu akunneri tamaasa aallartittassalluni. Peqataasut akunnermi ataatsimi arpassapput. Akunnerup tulliani arpanneq aallartinneqarpat ingerlaqqissaaq – nammineq aalajangernissaq imaluunniit akunnerup ingerlanerani arpannermik naammassinninnginnerup tungaanut. Arpannermi tamatumani ajugaasuuvoq "nikorfasoq kingulleq“ imaluunniit 120 kilometerit missaanni 2400 meterillu missaanni qaffasissusilimmik arpattoq, nalunaarummi allassimavoq.