William Gantzhorn Hjørring
Futsal Klubimilu unammisartoqatinilu pissanganarluinnartumik unammereerlutik Danmarkimi
pissartanngoqqipput. Arsaattartut Jyllandip avannaaneersut pingasoriarlutik umammillerneqangaatsiareerlutik kuultinnaqqipput. Taamaasilluni
timersoqatigiiffik oqaluttuarisaanermi tulleriisiinnarlugit
pingajussaannik pissartanngorlutik.
Ajugaasut
ilagaat William Gantzhorn, Kalaallit Nunaanni futsalimi
sorlaqarfeqartoq. Tassunga ajugaaneq immikkut isumaqarluinnarpoq.
William Gantzhorn Hjørring
Futsal Klubimilu unammisartoqatinilu pissanganarluinnartumik unammereerlutik Danmarkimi
pissartanngoqqipput. Arsaattartut Jyllandip avannaaneersut pingasoriarlutik umammillerneqangaatsiareerlutik kuultinnaqqipput. Taamaasilluni
timersoqatigiiffik oqaluttuarisaanermi tulleriisiinnarlugit
pingajussaannik pissartanngorlutik.
Ajugaasut
ilagaat William Gantzhorn, Kalaallit Nunaanni futsalimi
sorlaqarfeqartoq. Tassunga ajugaaneq immikkut isumaqarluinnarpoq.
– Danmarkimi
ukiut pingajussaannik pissartanngoqataasinnaanera uannut
pingaaruteqarluinnarpoq. Ukiup unammiffiusup ingerlanerani
tamaviaarluta sukataarsimagatta angusaqarluarpugut, taamaattumillu illoqarfigisatsinni Hjørringimi timersortarfimmi inunnik ulikkaartumi
pissartanngorniunnerput immikkut illuinnarpoq, oqarpoq.
Isiginnaariat
tapersersuinerat annertoqaaq. Gantzhorn naapertorlugu sekundit qulit
ingerlanerinnaanni isissutissat nungupput — illoqarfimmi futsalip soqutigineqaleriartuinnarneranut tamanna
uppernarsaataavoq.
Albertslund
IF-imut pissartanngorniutivinnermi unammineq pissanganarluinnarpoq.
Hjørringip unammisartui illoqarfiginngisaminni unamminerminni ajorsarnikuupput,
unamminerilli ingerlaneranni ingerlalluariartulerlutik.
– Albertslundimi
unamminermi siullermi ajorsarpugut, qujanartumilli
pissartanngorniutivinnermi pitsaanerit pingasut unammisarput.
Tunniutiinnarata minnerunngitsumillu illoqarfigisatsinni unamminerput pissutigalugu iluatsillugu.
Unamminerni kingullerni marlunni 4-3-mik ajugaavugut, taannalu sekundit kingulliit tikillugu qanoq naligiillutalu
sukataartiginitsinnut takussutissaavoq, taanna nassuiaavoq.
Hjørring
Futsal Klubip pissartanngorami nunami futsalimi siuttuulluni
inissisimanera nakussatsinneqarpoq. Taamatuttaaq pissartanngorneq
ersarissumik naqissusiivoq - aamma Kalaallit Nunaanni inuusuttunut:
Qaffakkiartornissaq periarfissaavoq, aamma arsaaffiup avataanit
aggersuugaluaraanni.
