Sondre Slettemarkip World Cupimi pitsaanerpaat affaat angujartoraa

Sisorallammak Sondre Slettemark Østrigimi Hochfilzenimi World Cupertoqarnerani angusarissaarpoq. 104-ni peqataasuni 67-inngorpoq.

10 kilometerimut arpannermi marloriarluni ooqattaasartoqarpoq, Sondrellu pallorluni ooqattaanermini ataasiaannarluni uniorpoq, nikuillunili ooqattaanermini uniuinngivilluni. Taamaalilluni normu 67-itut inissippoq, ajugaasumit Italiamiuumit Giacomelimit, uniunngiivilluni ooqattaasartumit, minutsinik 2,34-innarnik kingulliuvoq. Slettemark maanna normu 60-inngornissaminik sekundinik 16-iinnarnik kinguarsimavoq, taamaalillunilu annguniarnissaminut ilimanaateqarsinnaalluni.

- 100 procentimik suli qasujaallinngilanga, kisianni arpaffimmi sukkanerusumik ingerlasinnaasutut misigivunga. Ooqattaasarnerali qaffasissumik inississimagunarpoq. Siornamut sanilliullugu sukkanerusumik pitsaanerusumillu ooqattaasarpunga, maannalu 93 procentit eqqortarpakka, tassa siornamut sanilliullugu 11 procentinik pitsaanerulluni, Sondre tusagassiuutitigut nalunaarummi oqarpoq.

Sondre Slettemarkip siumukartuarnera, ingammik ooqattaasarnermigut, unamminerni tulliuttuni angusarissaarnerpaasinnaaneranik takutitsivoq.