Anton
M. Petersenip, Tour de Nuuk-mik pilersitsisup aaqqissueqataasullu,
illoqarfiit pingaarnersaanni qasujaallisarluni arpatsitsinerit
maluginiarnarnerpaat ilaat aaqqissuuppaa. Aaqqissuussinermi peqataasut ulluni
arfineq-marlunni arpaffissani assigiinngitsuni arfineq-marlunni ullut tamaasa arpatsinneqartarput.
Ukiumut marloriarluni — upernaakkut ukiakkullu —
aaqqissuussisarneq tamanna Nuummi arpattartunit amerlasuunit aalajaatsunik katersuuffiusarpoq.
Anton
M. Petersenip, Tour de Nuuk-mik pilersitsisup aaqqissueqataasullu,
illoqarfiit pingaarnersaanni qasujaallisarluni arpatsitsinerit
maluginiarnarnerpaat ilaat aaqqissuuppaa. Aaqqissuussinermi peqataasut ulluni
arfineq-marlunni arpaffissani assigiinngitsuni arfineq-marlunni ullut tamaasa arpatsinneqartarput.
Ukiumut marloriarluni — upernaakkut ukiakkullu —
aaqqissuussisarneq tamanna Nuummi arpattartunit amerlasuunit aalajaatsunik katersuuffiusarpoq.
Tour de Nuuk illoqarfimmi timersortarnermut
ullutsinni ilaalluinnarpoq. Anton M. Petersenip
nammineq arpattartutut ataatsimoortarnissat amigaatigisarmagit, isumassarsiaq 2011-mi pilersinneqarpoq.
Taamaalilluni misilittagartuut arpattaleqqaallu
katersuuffigisartagassaat pilersinniarlugu suliniuteqarpoq.
- Ataatsimoorfiusinnaasumik TDN-itut ittumik pilersitsineq ingerlaannartumik pinngilaq. Ataatsimoorfissap annertuup pilersinnissaa
piffissartuutaasimavoq. Qujanartumilli ullumikkut kikkut tamarmik
TDN-imik ilisimannilersimapput, nuannaarluni oqarpoq.
Anton M. Petersenip oqaatigaa, arpaffissani arfineq-marluusuni
tamani agguaqatigiissillugu inuit 80-it missaanniittut ullut tamaasa peqataasartut,
tamanna tapersersorneqarluarneranut takussutissaavoq, silarluunniimmi qanoq ikkaluaraangalluunniit arpaqataasaramik.
Tassami arpattartut nalunngilaat Tour de Nuuk sila qanoq ikkaluaraangalluunniit aaqqissuunneqartartoq, taamaattumik anorleraluartumi, sialleraluartumi anorersuaraluartumiluunniit arpanniarlutik takkuttartut, aaqqissuisup oqaatigaa.
Tour de Nuup immikkuullarissutaasa ilagaat, aaqqissuussap
assigiinngitsorpassuarnit peqataaffigineqartarnera. Meeqqat, inuusuttut,
inersimasut utoqqaallu peqataasarput, sukkassuserlu
aalajangiisuuneq ajorluni.
– Arpattartutta utoqqaanersaat, arpaffissani tamani peqataasoq 77-inik ukioqarpoq. Sapaatip
akunnerani matumani aamma meeqqat amerlasuut peqataapput. Tassa
tamanut ataatsimoorfiusarpoq, Anton M. Petersen tulluusimaarluni
oqarpoq.
Arpattartut Nuummi illoqarfimmi takussaasut allanngortilluinnartarpaat, peqataasorpassuillu sungaartunik aaqanngitsullit ullut
tamaasa aqqusinerni takussaasarlutik.
Sapaatip akunnerani arpaffiusumi Tour de Nuuk-mi arpaqataasut qalipaatit erseqqarissut atorlugit arpattut illoqarfimmiunit
takuneqarsinnaasimapput.
Sapaatip akunnerani ulluni arfineq-marlunni arpaffissat arfineq-marluk arpaffigineqareersullu aaqqissueqataasup Anton M. Petersenip oqaatigaa, Tour de Nuuk ingerlalluarsimassasoq, illoqarfiit
pingaarnersaanni arpattartut assigiinngitsunik ukiullit,
piginnaaneqarluartut misilittagaqartunillu peqataaffigineqarluarmat.
