USA-p præsidentiata Donald Trumpip piffissami kingullermi Kalaallit Nunaannut soqutiginninnera, nunat taakku marluk politikkikkut attaveqatigiinnerannik annertuumik innarliivoq. Tamannali aamma nunatta nunarsuarmi tusaamaneqarnerulerneranik kinguneqarsimasoq, takornariaqarnermik suliaqartut oqaatigaat.
Takornariaqarnerup maannakkornit suli annertunerusumik inerisaaffiginissaanut tamanna atorluarneqartariaqartoq, takornarialerisut isumaqarput.
USA-p præsidentiata Donald Trumpip piffissami kingullermi Kalaallit Nunaannut soqutiginninnera, nunat taakku marluk politikkikkut attaveqatigiinnerannik annertuumik innarliivoq. Tamannali aamma nunatta nunarsuarmi tusaamaneqarnerulerneranik kinguneqarsimasoq, takornariaqarnermik suliaqartut oqaatigaat.
Takornariaqarnerup maannakkornit suli annertunerusumik inerisaaffiginissaanut tamanna atorluarneqartariaqartoq, takornarialerisut isumaqarput.
Soqutiginninneq annertunerulertoq
Innovation South Greenland A/S Kommune Kujallermit pigineqarpoq, taannalu inuussutissarsiornikkut, takornariaqarnikkut aallarnisaanikkullu siunnersuinermik inerisaanermillu suliaqarpoq.
Qaammatini kingullerni amerlasuuni USA-p Kalaallit Nunaat pillugu annertuumik samminninnera, nunatta nunarsuarmi tusaamaneqarnerulerneranik kinguneqarsimasoq malugisinnaagitsik, Innovation South Greenlandip pisortaa Miki Jensen oqarpoq.
- Nunatta nunarsuarmi tusagassiuutitigut sammineqarnerulernerata kingorna, nunanit assigiinngitsuniit uagutsinnut attaveqartartut amerlipput. Taassuma saniatigut inuit attaveqatigiittarfiisigut Instagramikkut malinnaasugut amerlanerulerput, Innovation South Greenland A/S-imi pisortaq Miki Jensen oqarpoq.
Assi: Innovation South Greenland.
- Nunatta nunarsuarmi tusagassiuutitigut sammineqarnerulernerata kingorna, nunanit assigiinngitsuniit uagutsinnut attaveqartartut amerlipput. Taassuma saniatigut inuit attaveqatigiittarfiisigut Instagramikkut malinnaasugut amerlanerulerput.
- Tamanna tunngavigalugu ukioq manna takornariat Kujataanut tikittussat amerlanerulernissaat naatsorsuutigaarput, taanna oqarpoq.
Ilisimatusartut Den Europæiske Union-imi
(EU) najugaqartut Kujataani assigiinngitsutigut ilisimatuussutsikkut
misissuiniarlutik saaffiginnittartut aamma amerlanerulersimasut taassuma
ilanngullugu oqaatigaa.
Takornariaqarnermut iluaqutaassasoq
- Ilisimatusartut
nunani allaninngaanneersut nunatsinni pissutsinik assigiinngitsunik
misissuiniarlutik saaffiginnittut ukiut siuliinut naleqqiullugu
amerlanerujussuupput.
- Taamaattumik
takornariaqarnikkut ineriartornerup ajunngitsuinnarmik ingerlanissaa
naatsorsuutigaarput, taanna oqarpoq.
Qaqortumi mittarfissap nutaap aprilimi
atulernissaa naatsorsuutigineqarpoq, tamannalu takornariaqarnerup
annertuseriarujussuarneranik kinguneqassasoq Innovation South Greenland
isumaqarpoq.
- Taassuma
saniatigut umiarsuit takornariartaatit Kujataanut tikittartut suli
amerliartorput. Takornariat tikittartut amerlanerulernerisa kingunerisaanik
ukiuni tulliuttuni Kujataani unnuisarfiit amigaataalernissaat
naatsorsuutigaarput.
- Taamaattumik
unnuisarfiliorusuttut akunnittarfiliorusuttullu arlallit maannakkut
siunnersuinikkut sullippagut, Miki Jensen oqarpoq.
Ukiut kingulliit marluk ingerlaneranni
Kujataani takornarialerisut amerlanerulersimasut taassuma ilanngullugu
erseqqissaatigaa.
Atorluarneqartariaqartoq
Kalaallit Nunaata USA-llu akornanni politikkikkut pisut toqqissisimananngikkaluartut, nunatta avataaniit soqutigineqarnerulernera malunnaatilimmik annertunerulersimasoq, takornariartitsivimmi Ilulissat Excursions ApS-imi pisortaq aamma Local Guide ApS-imi piginneqataallunilu pisortaasoq Jan Cortsen oqarpoq.
- Donald Trumpip nunatsinnut soqutiginninnera 2019-imili aallartimmat, tamatuma kingorna takornariat maani naliginnaasumik takuneq ajukkagut, soorlu Amerika Kujallermeersut tikittalerput.
- Nunatta tusaamaneqarnerulerneranut tunngaviusoq soorunami ilungersunarpoq, kisianni Kalaallit Nunaat takornariaqarnikkut inerisaaffigissallugu periarfissarpassuaqarpoq, tamannalu atorluarneqartariaqarpoq.
- Eqqaamassavarput Donald Trumpip Amerika tamaat tunuliaqutarinngimmagu. Ersiorneq tunngavigalugu takornariaqarneq ineriartortinneqarsinnaanngilaq.
- Taamaattumillu takornariat amerikamiuuppata allamiuuppataluunniit, tamaasa tikilluaqqusinnaasariaqarpagut, Jan Cortsen oqarpoq.
- Ilulissani mittarfissuaq nutaaq ukioq manna ukiup affaata kingulliup ingerlanerani atulernissaa naatsorsuutigineqarpoq, takornariallu Ilulissanut tikittartut amerlanerulernissaat takornarialerisut piareersimaffigigaat, Ilulissat Excursionsip pisortaa, Jan Cortsen oqarpoq.
