§ 21–Isumalioqatigiissitaq sulilluni aallartippoq: Nunatta namminiilivinnissaanut aqqut ersarissitinniassavaat
§ 21-Isumalioqatigiissitaq inissititerluni pingasunngornermi marsip 18-iani 2026-mi ataatsimiippoq. Tassanni isumalioqatigiissitap ilaasortai marluk, allallu marluk taaseqataasinnaanngitsut naapeqqaarput. Taamaalilluni inatsisit ersarissarnissaannut sulineq aallartissinnaalerpaat.
§ 21-Isumalioqatigiissitami ilaasortat marluk taaseqataasinnaanatillu ilaasortat aamma marluk. Saamerlermiit: Eqqartuussissuserisoq professoriusimasoq Ole Spiermann, professori soraarneq Gudmundur Alfredsson, ph.d.-nngorniartoq Hans Peder Kirkegaard aamma Namminersorlutik Oqartussani inatsisileriffimmi pisortaq Stefan Krehbiel.
Assi: Inatsit Tunngaviusussamut immikkoortortaqarfik
Siunertaq ersarippoq: Nunarput namminiilivippat piumasaqaatit suuneri paasiuminarsarlugit isumalioqatigiissitaq nalunaajaasiaminik, inatsisitigut tunngaveqartumik, ukioq ataaseq qaangiuppat tunniussissaaq.
Isumalioqatigiissitamiittut eqqartuussissuserisoq ilisimatuutullu sulisimasoq Ole Spiermann, professor emeritus Gudmundur Alfredsson Namminersorneq pillugu inatsimmi suleqataanikuupput, taamaammallu § 21 ilisimasaqarfigilluarlugu. Taakkua marluk saniatigut ph.d-inngorniarluni ilisimatusartoq Hans Peder Kirkegaard aamma
SUNA PAASINIASSAVAAT?
- Namminersorneq pillugu Inatsimmi § 21-mi aalajangersakkap qanoq atorneqarsinnaanera.
- Namminiilivinnissaq pillugu inuiannik taasititsinermi inatsisitigut toqqammavissat suuneri.
- Inatsimmut tunngaviusumut missingiusiap piusup inatsisilerinikkut aaqqissugaanikkullu naliliiffigineqarnera.
- Allanik apeqqutinik misissortarialinnik peqarnersoq.
Namminersorlutik Oqartussani inatsisileriffimmi pisortaq Stefan Krehbiel taaseqataasinnaanngitsutut ilaasortaapput.
Ole Spiermannip oqarnera malillugu suliassaq annertullunilu pingaaruteqarpoq.
- Isumalioqatigiissitaq imaannaanngitsunik suliakkerneqarpoq, suliaqarfigilernissaannullu qilanaarpugut. Kalaallit Nunaata siunissaanut pingaaruteqartussanik inatsisilerinermik suliaqaqqinnissarput tanngassimaarutigaarput, aammalu Inatsisartut Naalakkersuisullu aalajangigaat aallaavigalugit qulaajaalernissarput qilanaaraarput, Ole Spiermann Naalakkersuisut tusagassiorfinnut nalunaarutaanni taama oqaaseqarpoq.
Politikkeratik piginnaasat aallaavigalugit sulissapput
Isumalioqatigiissitaq sulinermini politikkissanngilaq. Isumalioqatigiissitammi piginnaasat qitiutillugit sulinissaa, aamma arlaannaannulluunniit attuumassuteqanngitsuunissaa Inatsisartut kissaatigaat.
Isumalioqatigiissitap pilersinneqarnissaa Naalakkersuisut 2026-mi oktobarimi akuersissutigaat, suliakkiissullu 2 mio. koruuninik aningaasalerneqarpoq.
Isumalioqatigiissitap immikkut ilisimasalinnik avataanersunik pisariaqartitsiguni atuissanerluni nammineerluni aalajangissavaa.
Inatsit tunngaviusussamut immikkoortortaqarfik § 21-Isumalioqatigiissitamut allatseqarfiussaaq.
Sulineq tassa aallartippoq, nunarpullu namminiilivinniarluni aalajangerpat suut pisariaqartinneqassanersut isumalioqatigiissitap sulinera ukioq ataaseq qaangiuppat naamassippat paasisaqarfiginerujumaarparput.
