Unnia

Aallussilluartoq pinaveersaartitsinermut nersornaaserneqartoq

Kalaallit Nunaanni Brugsenip PiSiu peqatigalugu “PiSiu-p nersornaasiuttagaanik” sisamassaanik nersornaasiinermini nersornaat pinerluttuliornerup pinaveersaartinnissaanut malunnaatilimmik sunniuteqartumut tunniuppaa.

Assi: PiSiu

Jette Andersen Jette Andersen Aaqqissuussisoq

Saqqummersinneqarpoq 25. Maaji 2026 - 13:55

Ussassaarut

Kristine Johanne “Joha” Høegh, Qaqortumi suliniuteqarluartoq, angerlarsimaffeqanngitsunik innuttaasunillu atugarliortunik kajumissutsiminik sullissinermigut malunnaateqarluarami Kalaallit Nunaanni Pinerlunnermik pinaveersaartitsinermut siunnersuisoqatigiinnit aamma Kalaallit Nunaanni Brugsenimit nersornaammik PiSiu-mik 2026-mi nersornaaserneqarpoq.

- Joha pimoorussilluartuuvoq, najukkamini innuttaasunut aalajangersimalluinnartunut erseqqissumik malunnaatilimmik sunniuteqartartoq, Kalaallit Nunaanni Brugsenip pisortaa Allan Kristoffersen oqarpoq.

Ajugaasup 20.000 koruunit aamma nalunaaquttap-akunneri 40-t siunnersorneqarnissaq pissarsiarai.

- Joha inuit ikiortariallit atugaasa pitsanngorsarnissaat anguniarlugu suliniuteqarluarpoq. Nammineq kajumissutsiminik sulisuinnaanngilaq, uummatigissaarnermigullu qasusuillunilu tunniusimanermigut najukkami inuiaqatigiinni allannguisitsisarpoq, PiSip siulersuisuini siulittaasoq Julie Lynge oqarpoq.