Ammaanersiorluni oqallineq kinguartinneqarpoq

Inatsisartut ataasinngornermi oqallinnissaat, nunani tamalaani politikkikkut pissutsit pillugit Naalakkersuisut aallartariaqalernerat pissutigalugu, ullormut allamut inissinneqarpoq.

Kim Kielsenip Inatsisartut ukiakkut ataatsimiinnerat tallimanngornermi aallartippaa.

Foto: Oscar Scott Carl

Thomas Munk Veirum Thomas Munk Veirum Tusagassiortoq

Saqqummersinneqarpoq 20. Septembari 2026 - 15:26

Ussassaarut

Ataasinngornermi Inatsisartuni partiit Naalakkersuisut siulittaasuata Jens-Frederik Nielsenip (D) ammaanersiorluni oqalugiaataa oqallisigisussaagaluarpaat.

Inatsisartut Siulittaasoqarfiat tusagassiutinut nalunaarummi allappoq oqallinneq kinguartinneqartoq.

Siulittaasoqarfiup ukiakkut ataatsimiinnermi oqaluuserisassat allanngortinneqarnissaat akuersissutigaa, Naalakkersuisut siulittaasuata nunarsuarmi politikkikkut pissutsit pillugit Naalakkersuisunut suliamut atatillugu taama kissaateqarnera tunngavigalugu. Tassami Jens-Frederik Nielsenip USA-mut angalavoq, tassanilu USA Danmarkilu isumaqatigiissummik atsioqatigissallugit.

Ataatsimiinnerit aallartinneranni oqallinneq ataasinngornermi pisussaagaluarpoq, sapaatilli-akunnerani tulliuttumi sisamanngornermut kinguartinneqarpoq.

Sisamanngornermi oqaluuserisassat ataasinngorpat septembarip 28-anut nuunneqarput.

Ussassaarut

Tallimanngornermi unnukkut USA-p præsidentiata Donald Trumpip inuit attaveqaqatigiittarfianni Truth Socialimi saqqummiuppaa USA-p Danmark Kalaallit Nunaallu isumaqatigiissuteqarfiginiarai, ilaatigut Amerikamiut sakkutuuisa Kalaallit Nunaanniinnissaat pillugu. Isumaqatigiissutip imarisai tamanut saqqummiunneqarsimanngillat. Sapaatip akunnerata tulliani atsiorneqarnissaa naatsorsuutigineqarpoq.