KL

DK

Angallat takornariartaat Qeqertarsuup eqqaani ajutoortoq

Albatros Arctic Circle ApS-ip angallataa Nasalik aqqanilinnik ilaasulik Qeqertarsuarmit uternerminni aggustip aqqaneq aappaanni ajutoorput.

Assiliartaq uaniittoq ullormit pisumut attuumassuteqanngilaq.
Jette Andersen Aaqqissuisoq
Saqqummersinneqarpoq

Ilaasut tamarmik napparsimmavimmi misissorneqarput, Albatrosillu nalunaarutigaa ilaasut tamarmik ajunngitsut.

- Sikut akornanni tamanna pivoq, taamaattumik ajornerusumik pisoqannginnera oqiliallaatigaarput, Albatros Arctic Circle ApS nalunaarpoq.

Ingerlatseqatigiiffik nalunaarpoq ajutoornerup kingorna angalatitsisut ikiuussimasut, neriuutigalugulu ilaasut inniminniisimasut pilersaarutaasutut malillugit angalasinnaalissasut.

- Albatrosimi angalanitsinni isumannaatsuunissaq ingammik ilaasut isumannaatsuunissaat pingaartipparput, ingerlatseqatigiiffik oqarpoq, aammali pisumi eqqugaasunut ajuusaarluni.

Albatros Arctic Circle ApS ilaasunut taakkualu takornariartitsisuanut attaveqarluarpoq.

albatros arctic circle inuiaqatigiit umiarsuup ajunaarnera qeqertarsuup qeqertaa takornariartaat nasalik

Atorfiit tamaasa takukkit

PODCASTI

Powered by Labrador CMS