Angerlarsimaffimmi ikiortit Nuummi amigaataanerat "ajornartoornermi iliuuseqarnermik" atuutilersitsivoq

Angerlarsimaffimmi ikiortit Nuummi amigaataanerat sullissinerup pitsaassusaanut maanna sunniuteqarpoq.

Angerlarsimaffimmi ikiortit ajornartoornermi iliuuseqarineqartussatut taaneqartartuit atuutilersinneqartariaqartut, Kommuneqarfik Sermersooq nittartakkamini allappoq.

Ajornartoornermi iliuuserineqartut tassaapput inuuniarnermi pingaarutillit, soorlu nerisassiornissamut imertarnissamullu ikiorneqarneq, perusuersartarneq, nakorsaatinik iisinissamut eqqaasinneqarneq allallu. Kommunip nittartagaani taakku takuneqarsinnaapput.

- Angerlarsimaffimmi ikiorsiissutit allat tamarmik utaqqiisaasumik unitsinneqarput, naammattunik sulisoqaqqilernissaata tungaanut, Kommuneqarfik Sermersooq allappoq. Suliffiit inuttassarsiorlugit sulissutigineqartoq aamma paasissutissiissutigaat.

Qanigisaasut angerlarsimaffimmi ikiorteqartartunik ikiuuttaqqullugit Kommuneqarfik Sermersuumi utoqqarnik suliassaqarfimmiit aamma kaammattuutigineqarpoq.

Sullissinerup annikinnerulernissaa marsip aallaqqaataani atuutilissaaq.