KL

DK

Angut 29-nik ukiulik pineqaatissinneqartoq: Sarfaq Ittummi hashi 24,7 kiilut nassarai

Angut kuffertimini hashimik nassataqarluni umiarsuarmik angalasoq, eqqartuussivimmi sisamanngormat pineqaatissinneqarpoq.

Suliaq nassuernermik suliatut aalajangiiffigineqarpoq, suliarlu Eqqartuussisoqarfik Sermersuumi nalunaaquttap-akunnera ataaseq qaangiummat naammassineqarpoq.
Morten Okkels Morten Okkels Tusagassiortoq
Saqqummersinneqarpoq

Angut 29-nik ukiulik sisamanngornermi ullaakkut Eqqartuussisoqarfik Sermersuumi, hashimik 25 kiilut missaannik tigummiaqartutut eqqartuunneqarpoq. Pineqaatissiisut ukiuni pingasuni qaammatinilu arfinilinni atuuttussanngortinneqarpoq.

- Eqqartuussiviup hashi annertooq nassaarineqarnerani, sakkukinnerusumik pineqaatissiinissaq eqqarsaatiginngilaa, eqqartuussisoq oqarpoq.

Angut taanna Sarfaq Ittummi ukioq manna apriilip 17-ianni unnukkut ilaasoq, hashimik 24,7 kiilut missaannik oqimaassusilimmik nassatalik tigusarineqarpoq.

Eqqartuussivimmi angutip illersuisuata sakkukinnerusumik pineqaatissinneqarnissaa kissaatigigaluarpaa, iluatsinngitsumilli.

Angutip hashimik nassataqarnerata saniatigut 10.050 koruuninik kaasarfimmioqarpoq, hundrede koruunit 100-rujut, 50 koruunilu ataaseq. Taanna oqaluttuarpoq aningaasat taakku hashimik tuniniaanermit pissarsiaanatik, pokerimik pinnguarnermit pinnataasut.

29-nik ukiulik ullumi eqqartuussinissaq sioqqullugu, Nuummi tigummigallarneqarpoq. Pineqaatissinneqarsimasunut inissiisarfimmiitilluni nammineq atugassaminik ikitsisorujussuarmik hashimik nassataqarpoq, tamannalu pillugu aamma pineqaatissinneqarpoq.

Eqqartuussut angummut eqqartuunneqartumut unnerluutiginnittumullu tunniunneqarpoq, taamaalillunilu suliaq naammassilluni.

eqqartuussisoqarfik sermersooq hashi inuiaqatigiit nuuk sarfaq ittuk pineqaatissiineq

Atorfiit tamaasa takukkit

PODCASTI

Powered by Labrador CMS