KL

DK

Angut 30-nik ukiulik Nuummi toqutsisimasutut unnerluutigineqartoq

Arnaq 44-nik ukiulik Nuummi toqungasoq siorna nassaarineqarpoq, tamannalu eqqartuussivimmi maanna suliarineqartussanngorpoq.

Angut 30-nik ukiulik arnamik nakuuserlunilu qimitsinermigut toqutsisutut unnerluutigineqarpoq.
Hanna Hviid Hanna Hviid Tusagassiortoq
Saqqummersinneqarpoq

Angut 30-nik ukiulik arnamik 44-nik ukiulimmik siorna toqutsisimasutut unnerluutigineqarluni ataasinngornermi juunip 22-ani Eqqartuussisoqarfik Sermersuumi sassartinneqassaaq.

Arnaq 44-nik ukiulik Nuummi Ceresvejimi toqungasoq 2025-mi aggustip arfineq-aappaanni nassaarineqarpoq.

Angut taamani 29-nik ukiulik tigusarineqarpoq, eqqartuussivimmullu sassartinneqarluni toqutsisimasutut pasineqarluni ulluni 28-ni tigummigallarneqarpoq. Angut Ilulissani pineqaatissinneqarsimasunut inissiisarfimmi ulloq manna tikillugu tigummigallarneqarpoq.

Maanna eqqartuunneqartussanngorpoq.

Unnerluussissut Sermitsiap pissarsiarisaa naapertorlugu, angutip unnuap qeqqata aamma nalunaaqutaq 02.35 akornanni arnaq nakuuserfigalugu qimillugu toquppaa.

Angut piffissaligaanngitsumik tigummigallarneqarnissaa unnerluussisussaatitaasup piumasaraa.

Toqusup qitornaa 10.000 koruuninik taarsiiffigineqassasoq, unnerluussisussaatitaasup aamma piumasaraa.

Nutarterneqarpoq: Eqqartuussineq kinguartinneqarpoq. Eqqartuussinerup kinguartinneranut atillugu qaqugumut kinguartitsisoqarnersoq Sermitsiamit paasiniarneqarpoq, tamannali iluatsinngilaq.

nuuk inuiaqatigiit toqutsineq angut 30-nik ukiulik arnaq 44-nik ukiulik

Atorfiit tamaasa takukkit

PODCASTI

Powered by Labrador CMS