Angut 36-nik ukiulik toqutsisimasutut ukiuni arfineq-marlunni pineqaatissinneqartoq

Arnaq 49-nik ukiulik toqungasoq Qaqortup eqqaani nunaqarfimmi Eqalugaarsuarni 2025-mi novembarimi nassaarineqarpoq.

Angut taamani 35-nik ukiulik tigusarineqarlunilu arnamik toqutsisimasutut unnerluutigineqarpoq.

Aamma atuaruk

Pasinartumik toqusoqarsimasoq: 35-nik ukiulik ulluni 27-ni tigummigallagaavoq

Suliaq Kujallermi eqqartuussivimmi sisamanngornermi suliarineqarpoq, tassanilu angut maanna 36-nik ukiulik toqutsisimasutut ukiuni arfineq-marlunni pineqaatissinneqarsimasunut inissiisarfimmiittussanngortinneqarpoq.

Kalaallit Nunaanni unnerluussisussaatitaasoq inuit attaveqaqatigiittarfianni X-imi taama allappoq.

Toqutsineq unnerluussissut naapertorlugu 2025-mi novembarip arfineq-aappaani nalunaaqutaq 12.00 aamma 2025-mi novembarip aqqarnani nalunaaqutaq 10.55 akornanni pivoq.

Angutip 36-nik ukiullip arnaq arlaleriarluni niaquagut timaatigullu tilluarlugulu, isimmittarlugulu tukkarsimavaa, tamannalu arnap toquneranik kinguneqarpoq.

Kalaallit Nunaanni Politiit toqutsisoqarsimatillugu misissuisartunik toqusullu timaannik misissueqqissaartartunik toqutsisoqarneranik paasiniaanermi ikiuukkiartortunik Danmarkimit aggersaapput.