KL

DK

Angut 67-inik ukiulik qimmit kiisortut pillugit Nunatta Eqqartuussiviani sassartinneqartoq

Angut qimminik kiisortunik suliani pingasuni najukkami eqqartuussivimmit pisuutinneqarluni eqqartuunneqarpoq. Unnerluussisussaatitaasup eqqartuussut Nunatta Eqqartuussivianut sakkortunerusumik pineqaatissiissutissatut suliareqqitassanngortippaa, tamannalu ullumikkut suliarineqassaaq.

Nunatta Eqqartuussisuuneqarfia qanittukkut suliareqqitassanngortitsinikkut toqutseriaraluarnerup kingorna katsorsarneqarnissamik pineqaatissiisoqarnissaa naammattoq aalajangerpoq.
Hanna Hviid Hanna Hviid Tusagassiortoq
Saqqummersinneqarpoq

Angut 67-inik ukiulik Kalaallit Nunaanni Eqqartuussivimmi kiisortunik qimmeqarnerminut suliaq pillugu sisamanngornermi eqqartuunneqartussaavoq.

Angut qimmini qimuttut 2023-mi martsimi apriilimilu inunnut saassussisimanerisa kinguneranik qimmit kiisortut pillugit 2025-mi marsimi Qeqqata Eqqartuussiviani suliani pingasuni pineqaatissinneqarpoq.

Taakkua ilaat Sisimiuni, imeqarfiup Nalunnguarfiullu tasiata akornanni, pivoq.

Tassani qimmit 15-it ataataq paniilu, taamanikkut arfineq-pingasunik marlunnillu ukiullit, saassuppaat. Qimminit qimaaniaraluarput, tamarmilli kiineqarput. Ataatap niviarsiaqqalu angajulliup ikit arlallit kingorna mersortittariaqarsimavaat. Niviarsiaraq niaqumigut kilersimavoq.

Sisimiuni pisimasumi allami inuit marluk kiineqaramik aamma nakorsartariaqartunik ajoquserput.

Pisut pingajuanni arnaq Kangerlussuarmi angutip taamani 66-inik ukiullip qimmiinit saassunneqarpoq. Timikkulli ajoqusernani aniguivoq.

Eqqartuussiviup angut taamani 66-inik ukiulik qimmit qimuttut pillugit inatsimmik unioqqutitsinerarlugu pisuutillugulu ukiuni tallimani qimmiuteqarsinnaajunnaarsillugulu uumasunik allanik pigisaqaqqusaajunnaarsippaa. Eqqartuussiviulli eqqartuussut pinerluuteqaqqissagaluarpat aatsaat atuuttussanngortippaat. Tassa ajornartorsiuteqaqqinngippat angut qimmeqaannarsinnaavoq. Unnerluussisussaatitaasup pineqaatissinneqarsimasut inissiisarfimmiittussanngorlugu pineqaatissinneqarnissaa kissaatigisimavaa.

Taamaammat unnerluussisussaatitaasut suliaq Nunatta Eqqaartuussiveqarfiani suliareqqinneqartussanngortippaat. Suliaq aallaqqaammut 2025-mi oktobarimi suliarineqartussaagaluarluni kinguartinneqarpoq. Ullumikkut aalajangiiffigineqassaaq.

Aallaqqaammut eqqartuussinissaq oktobarimi 2025-mi pisussaagaluarpoq, kinguartinneqaramili ullumikkut aalajangiiffigineqassaaq.

inuiaqatigiit nunatta eqqartuussivia kangerlussuaq unnerluussisussaatitaasut qimmit kiisortut sisimiut

Atorfiit tamaasa takukkit

PODCASTI

Powered by Labrador CMS