KL

DK

ULLORMUT NALUNAARUT

Angut hashimik kiilumik nassataqarluni timmisartoqarfimmi unitsinneqartoq

Ilanngaaserisut sisamanngornermi timmisartumut ilaasumi Danmarkimit tikissimasumi hashimik nassaarput.

Kalaallit Nunaanni Politiit angut 27-nik ukiulik hashimik anngiortumik eqqussisutut pasineqartoq sisamanngornermi tigusaraat.
Thomas Munk Veirum Tusagassiortoq
Saqqummersinneqarpoq

Kalaallit Nunaanni Politiit sisamanngornermi Nuummi mittarfimmut ornigupput.

Tassami ilanngaaserisut ilaasumi Danmarkimit Nuummukartumi hashi 1 kiilu sinnerlugu oqimaatsigisoq nassaaraat.

Pigaartut pisortaat Poul Kreutzmann taama oqaluttuarpoq.

Ilaasoq, angut 27-nik ukiulik, politiinit tigusarineqarpoq tallimanngormallu ullaakkut eqqartuussivimmi sassartinneqarnissaminut utaqqilluni.

Angut 27-nik ukiulik Kalaallit Nunaanni najugaqartoq Nuummut aallareerluni sinerissami illoqarfimmut allamut ingerlaqqittussaagaluarpoq.

Suliaq ingerlaannaq eqqartuussummik kinguneqarsinnaasoq Poul Kreutzmann oqaluttuarpoq. Tassa unnerluutigineqartoq pisuusutut nassuerpat ingerlaannaq aalajangiiffigineqakkajuttarlunilu pineqaatissiisoqarsinnaavoq.

hashi ilanngaaserisut poul kreutzmann kalaallit nunaanni politiit nuummi mittarfik inuiaqatigiit

Atorfiit tamaasa takukkit

PODCASTI

Powered by Labrador CMS