Aningaasanut inatsisissaq pillugu isumaqatigiinniarnernit Naleraq anivoq
Partiip tamanna nalunaarutigaa tallimanngornermi ualikkut kingusissukkut.
Naleraq-ip aningaasanut inatsisissap isumaqatigiinniutigineqarneranit tallimanngornermi ualikkut tunuarpoq.
Asseq: Naleraq
Partii Naleraq isornartorsiutinik arlalinnik saqqummiussaqarpoq, aningaasanut inatsisissap isumaqatigiinniutigineqarneraniit aninerminnut atatillugu.
Tusagassiorfinnut nalunaarummi erserpoq partiip isumaqarnera "sulisut nunatsinniittut sipaarniuteqarnernik eqqugaasut, nunami avataaneersulli sulinissaminnik qulakkeerinninnissamut isumannaarneqartariaqartut". Tusagassiorfinnut nalunaarummi ersertoqanngilaq, kisianni partiip ukiakkut ataatsimiinnermi siunnersuutigisimavaa Kalaallit Nunaata Danmarkimi suliassaasa atorunnaarsinneqarnissaat, assersuutigalugu Københavnimi sinniisoqarfia.
Partiip aamma isumaqatigiissut 12,6 milliardit koruuninik aningaasartaqartoq isornartorsiorpaa, tamatumani Naalakkersuisut isornartorsiorlugit " “Inuiaqatigiinnit aningaasat 12,6 mia. kr. isertitassaraagut, taamaakkaluartoq
Naalakkersuisut aningaasaataarutereerluta inissinniarpaatigut, namminneq pisortaqarfinni allannguutaasumik sipaarniaratik, killormuanik siunnersortissaminnik amerlanernik atorfinitsitsilerput".
Taamatuttaaq partiip aamma Naalakkersuisut isornartorsiorpai kalaallisut danskisullu aqutsinermi atorneqarnerat pillugu. Naleraq ukiakkut ataatsimiinnermi siunnersuuteqarpoq pisortat ingerlatsiviini kalaallit
oqaasiisa pisortatigoortumik atuutsinneqalernissaasa saniatigut oqaatsit
nutserneqartarnissaannut piumasaqaatip peersinneqarnissaa anguniarlugu.
Taakkuupput partiip aningaasanut inatsisissap isumaqatigiinniutigineqarneraniit aninerminni tusagassiorfinnut nalunaarummi isornartorsiutigisaasa ilaat, aammalu isumaqatigiinniarnerni angorusussimasaraluattut isikkullit.
Aningaasaqarnermut akileraartarnermullu Naalakkersuisoq Múte Bourup Egede (IA) oqaaseqartinniarlugu Sermitsiamit sulissutigaarput.
