Annaassiniartartut nersorniarneqartut

Timmisartortartoq Italiamiu Tuluit Nunaanni inunngorsimasoq, Canadami Goose Bayimiit Narsarsuarmut timmisartuaqqamik Cessnamik ataatsimik motoorilimmik Ikersuakkut Davis-ikkut oktobarip 25-anni ingerlaarpoq. Kujataani silarlunnera pissutigalugu timmisartortartoq aalajangerpoq Nuup tungaanut ingerlaniarluni, taannami miffissamisut periarfissaasa aapparimmassuk. Tamanna kinguneqapiluttussaasoq paasinarsivoq, inuuninimi annaavaa.

Nuup tungaanut apparsartilluni timmisartuaraq 3.500 fodimik – kilometerip ataatsip missaanik - qutsitsigisumiitilluni Sermitsiamut aporpoq. Taamaalilluni ujaasineq aallartinneqarpoq Naviair, Sakkutuut, Qatserisartut, naalagaaffiup Nunatsinni ombudsmandia, Air Greenland aamma Kalaallit Nunaanni Politiit peqataatinneqarlutik. Sumiiffimmi silarlunnera pissutigalugu ullut pingasut ingerlareersut timmisartuaraq nassaarineqarpoq – aatsaallu sapaatip akunnera ataaseq qaangiummat, timmisartortartoq ajunaarsimasoq sakkutuunit immikkut ilinniartinneqarsimasunit qaqinneqarluni.

Naalakkersuisut siulittaasuata Jens-Frederik Nielsenip politiillu qullersaata Bjørn Bayip ajunaarsimasumik ujaasinermik suliaqarsimasut tamaasa maanna qujassuteqarfigaat. Tamannalu pilluni tallimanngormat ualikkut Nuummi qatserisartoqarfimmi kaffillernissamut kaagillernissamullu qaaqquneqarmata.

- Taakku tamarmik ataatsimoorlutik Sermitsiami ajunaarnermut atatillugu immikkut ittumik iliuuseqarsimapput, politiit qullersaat Bjørn Bay oqarpoq.

- Sulisut ataqatigiissaarilluarput, misissuipput, nunani allani oqartussaasunut attaveqarput minnerunngitsumillu timmisartortartoq qaqqami qajannaatsumi anisippaat.

- Suleqatigiit peqqissaarlutik ataqatigiissaarilluarput, misissueqqissaarlutik, nunani allani oqartussaasunut attaveqarlutik, minnerunngitsumillu timmisartortartup timaa qaqqami innaaqisumi ilungersunartorsioqalutik qaqissinnaasimallugu.

Allagaq nersornaat, akissarsitinneqarneq aamma aningaasaq eqqaassutissaq

Politiit qullersaata suliaq pillugu allakkanik nersornaatinik, aningaasanik akissarsiassanik Nunatsinnilu Politiit aningaasaataanik eqqaassutissamik tunivai. Bjørn Bayip aamma Naalakkersuisut siulittaasuannit Jens-Frederik Nielsenimit inuulluaqqussut „suliamut naammassineqartumut qujanaq“ tunniuppaa.

Tallimanngormat nersornaasiineq Bjørn Bayimut pingaarutilerujussuuvoq, politiit pisortaat killitsingaartoq Sermitsiamut oqarpoq.

Tallimanngormat pingaartorsiornartumik katerisimaarneq Bjørn Bayimut pisariaqartitsinerusoq, politiit qullersaata killitsisimalluni Sermitsiamut oqaatigaa.

- Inuit immikkut ittumik iliuuseqarsimasut nersorniarlugit qujaffiginissaannut periarfissinneqaraangama killitsissutigisarpara, tulluusimaarutigalugulu nuannaalersinneqartarlunga — aammali ilaannikkut inuunermik annaasaqarnikkut aliasuuteqartut misiginneqatigisarlugit, Bjørn Bay oqarpoq.

- Sakkutuunit, qatserisartunit, Naalagaaffiup sinniisaanit, Air Greenlandimit Kalaallit Nunaannilu Politiinit sulisut pikkorissut timmisartortartup qaqinneqarneranut atatillugu iliuuserisimasaat taamatorpiaq ippoq. Sulisut periaatsimikkut pitsaalluinnartumik ajornakusoortumillu suliaqarput nalinginnaasumit pitsaanerungaartumik, ilaqutariillu qimagaasut toqqissisimanissaat eqqissinissaallu qulakkeerlugu.