KL

DK

Arktisk Science Camp - Naalagaaffeqatigiinneersut inuusuttut nunatsinni naapisimaalersut

Inuusuttut naalagaaffeqatigiinni ilinniarnertuunngorniartut, pinngortitamik soqutigisaqarnerulersinniarlugit aamma piorsarsimassutsiminnik avitseqatigiinnissaat siunertaralugu Qeqertarsuarmi katersuutsinneqassapput.

Naalagaaffeqatigiinni inuusuttut Nunatsinneersut, Savalimmiuneersut Danmarkimeersullu katillutik 24-it, Asimi Science Camp, Qeqertarsuarmi angakkussarfimmi ingerlanneqalerpat peqataassapput.
Masauna Peary Masauna Peary Journalist
Saqqummersinneqarpoq

Naalagaaffeqatigiinniit Kalaallit Nunaanniit, Qallunaat nunaanniit aamma Savalimmiuniit ilinniarnertuunngorniarfinni ilinniartut, pinngortitamik ilinniarlutik misissuillutillu aamma piorsarsimassutsikkut paarlaasseqatigiissallutik Qeqertarsuarmi juulimi sapaatip akunneri marluk atuartinneqassapput.

ASIMI Science Camp ilinniarnertuunngorniarfinni ilinniartunik 24-nik peqataaffigineqassaaq, nunat tamarmik arfineq-pingasunik peqataatitaqassallutik, pinngortitalerinermik ilinniartitsisoq ataaseq ilagalugu aaqqissuussaq ingerlanneqassasoq, Lars Demant Poort, Ilisimatusarfimmiit aaqqissuusseqataasoq tusagassiutinut nalunaarummini taama allappoq.

Asi ilisimasaqarfiginerulissagaat

Pinngortitamik ilisimasaqarnerulernissaq, piujuaannartitsinissaq aamma issittumi unammillernartut pillugit inuusuttut soqutigisaqarnerisa annertusarnissaat aasaanerani atuartitsinermi siunertarineqarpoq.

Pinngortitami ininilu atuartitsiviusuni atuartitsineq ingerlanneqassaaq. Peqataasut ilaatigut misissussagassarissavaat arferit, sermit iigartartut, naasut aamma nunalerineq, Lars Demant Poort paasissutissiivoq.

Pinngortitaleriffik, Københavnip Universititianiit aamma nunanit tamalaanit ilisimatusartut aamma ilinniarnertuunngorniat naapissapput.

Paasisassarsiortitsineq pinngortitamik ilisimasanik katersuiffiuinnassanngilaq. Inuusuttut peqataasut piorsarsimassutsiminnik avitseqatigiillutik nerisassiortassapput, nerisassanik aggerfimminneersunit ussiititsisassallutik aamma inuiaassuserminni ileqqutoqqatik saqqummiuttassalugit kalattoortoqassallunilu.

Asimi Science Camp ilaatigut ingerlanneqassaaq Qeqertarsuarmiut Angakkussarfimmik taasagaanni.

Lars Demant Poort oqarnera naapertorlugu Qeqertarsuarmiut Angakkussarfimmi (Arktisk Station, aaqq.) Københavns Universitetip ingerlataaniittumi, Asimi Science Camp ingerlaneqassaaq. Aaqqissuisut naapertorlugit stationeqarfiup atortorissaarutai ilisimatusarnermik, ilinniartitsinermut kulturikkullu paarlaasseqatigiinnermik ataqatigiissitsisinnaalluarmata.

Siunertaavoq inuusuttut pinngortitamik ilisimatusarnerup siunissaanut siunissamullu nukittorsarnissaat, peqatigitillugulu naalagaaffeqatigiinni nunat pingasut akornanni suleqatigiinnerup paasineqarnissaa, Lars Demant Poort naggasiivoq.

ilinniarnertuunngorniartut arktisk science camp qeqertarsuaq naalagaaffeqatigiinneq inuiaqatigiit lars demant-poort pinngortitalerineq

Atorfiit tamaasa takukkit

PODCASTI

Powered by Labrador CMS