KL

DK

Arnaq 22-nik ukiulik isorartuumut arpannermini ujaarineqalersoq

Arnaq 22-nik ukiulik ullup ataatsip ingerlanerani 100 kilometerit sinnerlugit arpappoq, apuuffissaminulli arfininngormat apuutinngitsoorluni. Qulimiguulimmik ujaarineqarluni sapaatiup unnuaani nassaarineqarpoq.

Arpattup periarfeerunneqarnerani Kalaallit Nunaanni Politiit ujaaseqataapput.
KASSAALUK KRISTENSEN Digitalredaktøri
Saqqummersinneqarpoq

Nuummiit Kapisilinnut arpannerup arfininngornermi juulip sisamaani naammassinerata kingorna, arpaqataasuut ilaat apuutinngitsoortoq aaqqissuisut paasivaat.

Arpattoq, arnaq 22-nik ukiulik, Nuummiit Kapisilinnut ullup ataatsip ingerlanerani 110 kilometerinik isorartussusilimmut arpaqataavoq. Politiinut periarfeerunneqartoq unnuap qeqqa qaangilaaraa nalunaarutigineqarpoq, tamatumalu kingorna ujarineqalerluni.

- Apuuffissaminiit kilometerialunnik ungasitsigisumiittoq sapaammi nal. 01.00-p missaani nassaarineqarpoq. Niumigut annersimagami apussinnaasimanngilaq, Kalaallit Nunaanni Politiineersoq Poul Kreutzmann oqarpoq.

Arnaq napparsimmaviliaanneqartoq ujaasinerlu naammassilluartoq paasissutissiivoq.

Nuukkapimi arpannermut peqataasut katillugit 125-upput, taakkualu ilaat ataannartumik 110 kilometerisut takitigaluni.

arpanneq kalaallit nunaanni politiit inuiaqatigiit ujaarineq kapisillit nuuk

Atorfiit tamaasa takukkit

PODCASTI

Powered by Labrador CMS