KL

DK

Arnaq 62-inik ukiulik savimmik toqutseriarsimasutut pineqaatissinneqartoq

Arnaq Qaanaamiu toqutseriarsimasutut nakuusersimasutullu ukiuni sisamani qaammatinilu arfinilinni pineqaatissinneqarsimasunut inissiisarfimmiittussanngortinneqarpoq.

Morten Okkels
Morten Okkels Morten Okkels Morten Okkels Tusagassiortoq / journalist
Saqqummersinneqarpoq

Arnaq 62-inik ukiulik toqutseriarsimasutut nakuusersimasutullu Qaasuitsup Eqqartuussisoqarfiani ukiuni sisamani affarmilu pineqaatissinneqarsimasut inissiisarfianniittussanngortinneqarpoq.

Toqutseriaraluarneq marsip 20-ani 2025-mi nalunaaqutaq 01.30 pivoq. Arnap inuk igaffimmi savimmik 20 centimeterit missaannik takitigisumik kapivaa.

Kapineqartoq naami talerpiatungaatigut itisuumik ikilerneqarpoq. Nakorsamiillu ingerlaannaq ikiorneqarsimanngitsuuguni toqussutigisimasinnaagaluarlugu.

Arnaq marloriarluni nakuusersimasutut unnerluutigineqarpoq, taakkunani marlunni savilersorsimasutut. Unnerluussutip aappaani pinngitsuutinneqarluni aappaa pineqaatissinneqassutigaa.

Illersuisup Thomas Wiemannip sullitami eqqartuussut suliareqqitassanngortissanerlugu eqqarsaatigeqqaarniaraa oqaatigaa.

qaanaaq inuiaqatigiit

Atorfiit tamaasa takukkit

PODCASTI

Powered by Labrador CMS