KL

DK

Arnaq meerarsiaminut piffissami sivisuumi nakuusertarsimasutut eqqartuunneqartoq

Nunatta Eqqartuussisuuneqarfiata arnaq meerarsiaminut nakuusertarsimasutut pineqaatissippaat. Nakuusertarnera ukiut marluk missaat ingerlaneranni pivoq. Arnarsiaasimasoq pineqaatissinneqartunut inissiisarfimmiittussanngortinneqarpoq.

Nunatsinni Eqqartuussisuuneqarfiup arnaq nakuusertartoq talimanngornermi marsip 20-ani pineqaatissippaa.
Morten Okkels
Morten Okkels Morten Okkels Morten Okkels Tusagassiortoq
Saqqummersinneqarpoq

Arnap nakuusertarsimasutut Nunatta Eqqartuussisuuneqarfiani qaqutigoortumik pineqaatissinneqarpoq.

Arnap meeqqanut marlunnut anaanarsiaanermini pissami sivisuumi nakuuserfiginnittarsimasutut Nunatta Eqqartuussisuuneqarfiani uppernarsaatissaqartutut nalilerneqarpoq.

Meeqqanut paaqqutarineqartunut perorsaanermut atatillugu Maniitsumi ukiut marluk ingerlaneranni nakuusertarsimavoq. Arnaq meeqqallu ilaqutariipput.

Arnaq qaammatini arfineq-pingasuni pineqaatissinneqarsimasunut inissiisarfimmiittussanngorlugu Nunatta Eqqarsuussisuuneqarfiani aalajangerneqarpoq. Taamaalillunilu Eqqartuussisoqarfik Qeqqatami arnap taamatut siorna pineqaatissinneqarnera isumaqatigineqarpoq.

Nakuusernerit ilaatigut tassaasimapput isattaanerit tingussaasullu atorlugit patitsisarnerit. Meeqqallu ajattarneqarlutillu aamma nujaartorneqartarsimapput.

Arnaq suliami ilisimannittut, ilaatigut meeqqat, oqaasii tunngavigalugit pineqaatissinneqarpoq.

Arnarsiaasup meersarsiani niaquatigut patikkaa ilisimannittut ilaata nalaatsornerinnarmik aamma takusimavaa.

Eqqartuussineq aallartinngitsoq meeqqat allamut inissinneqarput.

nakuuserneq kalaallit nunaanni eqqartuussisuuneqarfik inuiaqatigiit pineqaatissinneqarsimasunut inissiisarfik meeqqanut persuttaaneq maniitsoq

Atorfiit tamaasa takukkit

PODCASTI

Powered by Labrador CMS