Arnaq qamuteralalluni ajutoortoq toqusoq

Arfininngormat Nuummi majuartaatip eqqaani qamuteralannik ajutoorneq toqumik kinguneqarpoq.

Taama Kalaallit Nunaanni Politiini pigaartut pisortaat Jørgen Madsen, Sermitsiamut ilisimatitsivoq.

Politiit nal. 13.25 qamuteralaat majuartaatip eqqaani illumut aporlutik ikuallalersimasut, arnarlu qamuteralannik aquttoq toqungasoq kaleriírinneqarput.

Politiit qatserisartullu piffimmut ornigukkasuartut, pigaartut pisortaata oqaluttuaraa.

Ikuallanneq qaatserasuarneqarpoq, arnallu uumaneranut takussutissaqanngilaq, inuuneralu annaanneqarsinnaanani.

Arnaq 40-nik ukioqarpoq, ilaqutaasullu kalerrinneqareerput.

Pigaartut pisortaat naapertorlugu arnaq majuartaatip eqqaani illumut aporneratigut ajutoorneq pivoq, suliarlu suli misissorneqarpoq.