Aserorterinerit tillinniarnerillu atuarfimmik iluarsartuussinermik akornusersuisut

Pinerlunnerit ajornerpaaffiani Maniitsumi Atuarfik Kilaaseeqqap iluarsaanneqarnerani kinguarsaasinnaasut, kommuni nalunaarpoq.

Maniitsumi Atuarfik Kilaaseeraq iluarsartuunneqarpoq, pilersaarutillu malillugit 2027-mi aasaanerani atulalerfigineqarnissamut piariissaaq.

Assiliisoq: Qeqqata Kommunia, Teknikimut Avatangiisinullu immikkoortoq

Morten Okkels Morten Okkels Tusagassiortoq

Saqqummersinneqarpoq 8. Aggusti 2026 - 15:15

Maniitsumi Atuarfik Kilaaseeqqamik iluarsaaneq qaammatini kingullerni uteqqiattumik tillinniarnernik aserorterinernillu nalaatsiffiusarpoq.

Ullut 14-t kingullit ingerlanerinnaanni arfineq pingasoriarluni tamakku pisimasut, Qeqqata Kommunia Facebookimi nalunaarpoq.

Tillinniarnerni sanaartornermi atortussiat aserorterneqarput, atuarfillu aamma aserorteriffigineqarpoq, ilaatigullu aamma atuarfiup ilaani naammassillugu iluarsaanneqareersumi.

Ussassaarut

– Tamanna utoqatsinartupilussuuvoq, tamannami atuarfimmik iluarsartuussinermik kinguarsaaratarsinnaavoq, kommuni allappoq.

Qeqqata Kommuniata angajoqqaat innuttaasullu allat atuarfimmut piffinnullu allanut tillinniarnernik aserorterinernillu pinaveersimatitsinermut ikiuunnissaannik kaammattorpai.