Assit takukkit: Nuummi Pride parade

Seqinnarissorsuugaa Nuummiut illoqarfiup qeqqanut ornigullutik  neriusaap qalipaataanik uluassaminnut qalipatsinniarlutik T-shirtinillu ”Pride Is For Everyone”-mik allassimasumik pisiniarlutik katersuupput. 

Taannarpiaavorlu ukioq manna arfininngornermi ulloq 13. junimi prideqarnermut qulequtaq: ”Pride kikkunnut tamanut”. 

Inuit untritillit arlallit Kalaallit Nunaanni LGBTQIA+-inut taakkulu pisinnaatitaaffiinut ersarinnerulersitsiniarlutik illoqarfimmi ingerlaaqatigiinnissamut piareersimapput. 

Kommuneqarfik Sermersuumi borgmesteri, Avaaraq Olsen (IA), parade sioqqullugu oqalugiarnermini ima oqarpoq:  

- Inuit tamarmik asasaminnik asanninnissamut kiffaanngissuseqartariaqarput. Kikkut tamarmik ersiornatik, kanngusunnatik kinaassutsiminnillu isertuussinatik kiffaanngissuseqartariaqarput.  

- Assigiinngiiaartuunitta ataatsimoornerput pisuujunerulersippaa. Naligiissitaaneq nukittorsaasuuvoq.  

- Ingerlaartuassaagut  

Peqatigiiffimmi Sipineq+-mi siulittaasoq Qillaq Olsen aamma oqalugiarpoq: 

- Takkuttuassaagut. Ingerlaartuassaagut. Ullullu ilaani Pridep pisariaarunnissaa neriunarpoq. 

Kingorna takkuttut neriusaap ataatigut Nuup aqquserninut ingerlaarput, tassanilu nipilersortoqarlunilu qiimmisaartoqarpoq.