KL

DK

Avatangiisinut ministeri amerikamiut eqqagaat pillugit nassuiaateqassaaq

Naaja H. Nathanielsen Amerikamiut Kalaallit Nunaanni eqqagaanik saliinissamut tunngatillugu Folketingimi apeqquteqarpoq. Avatangiisinut ministerip Amerikamiut Kalaallit Nunaanni eqqagaasa salinneqarnissaannik suliniut sooq kinguaattoornersoq, aamma aningaasanik naammattunik immikkoortitsisoqarsimanersoq akissuteqaatigissavaa.

USA-p sakkutuuisa Tasiilap kitaani Ikkattumiissimanerannut takussutissaqarnersaavoq.
Morten Okkels Morten Okkels Tusagassiortoq
Saqqummersinneqarpoq

Folketingimut ilaasortap Naaja H. Nathanielsenip (IA) Amerikamiut Kalaallit Nunaanni sakkutooqarfigisimasaanni saliineq pillugu apeqquterpassuit akissutissarsiumallugit danskit avatangiisinut ministeriat Maria Reumert Gjerding (SF) maanna apeqquteqarfigaa.

Folketingimut ilaasortap Politikenimi juunip qaammataani allaaserisaq innersuussutigalugu, 2018-imiit 2023-mut 180 millionit koruunit paasisaqarfigerusuppai.

Aningaasat taakkua ilaat 48 millionit koruunit missaannaat siorna ukiup naanerani atorneqarsimapput, saliinerlu aatsaat 2033-mi naammassineqarnissaa naatsorsuutigineqarpoq.

Taamaattumik avatangiisinut ministerip kinguaattoorneq tamanna akuerisinnaaneraa, aamma sooq taama kinguaattoortoqarnersoq, Naaja H. Nathanielsen paaserusuppaa.

Taamatuttaaq Maria Reumert Gjerdingip suliniutit suut, avatangiisinullu innarliisinnaanermut killilersuinissaq eqqarsaatigalugu akissuteqartariaqassaaq.

Aningaasat immikkoortinneqartut naammannersut, pisariaqarpallu amerlanerusunik aningaasaliisoqassanersoq, avatangiisinut ministerip aamma nalilissavaa.

avatangiisinut ministeri amerikamiut sakkutooqarfigisimasaanni saliineq naaja h. nathanielsen inuiaqatigiit kalaallit nunaat folketingi

Atorfiit tamaasa takukkit

PODCASTI

Powered by Labrador CMS