Biilit imminnut aportut

Inuit pingasut Maniitsumi sisamanngornermi ualikkut aqqusinermi ajutoornermi kingorna napparsimmavimmukaanneqarput.

Politiinit Thomas Jeppesen oqarpoq.

Aqqusinermi Ungusivimmi ajutoortoqarsimasoq politiinut nalunaaqutaq 16.14 nalunaarutigineqarpoq.

Tassani biilit marluk katillugit pingasut ilaasoqartut aporput, biilillu tamarmik ajoquserluinnarsimasutut nalilerneqarlutik.

Kaffisorniartarfimmut tillinniartoqartoq

Sisimiuni cafémi unnuaq tillinniartoqarneranut politiit aamma ornigupput.

Nalunaaqutaq 03.11 nalunaarfigineqarpoq. Kaffisorniartarfiup matua aserorterneqarsimavoq, tillinniallu igaffimmut neriniartarfimmullu isersimasimallutik, politiit paasissutissiipput.

Tunumi piterarnissaa aarlerisaarutigineqartoq

Tasiilami pisariaqanngitsumik biilertoqannginnissaa aamma kaammattuutigaa, tassami Piterarnissaanik aalerisaarisoqarlunik illoqarfik silarluppoq.

DMI kategori 2-mik aarlerisaaruteqarpoq avannaq-kippasimmik Piteraq 25-28 m/s anorlernissaa, anoraasuartarnerani 33 m/s sakkortutigisarsinnaasumik. Qulit aqqaneq-marlullu akornanni ississangatinneqarpoq, tallimanngornerup ullaavaniit arfininngornerup ullaassaanut atuunniissaa aarlerisaarutaavoq.