Palle Jerimiassenip (D), Avannaata Kommuniani borgmesteriunikup, kommunalbestyrelsimit
sulinngiffeqarnini ukiup affaanik sivitsorniarlugu qinnutigaa.
- Takornarialerinerup
iluani pitsanngorsaaqataanissara kissaatigaara, Palle Jerimiassen oqarpoq.
Palle Jerimiassenip (D), Avannaata Kommuniani borgmesteriunikup, kommunalbestyrelsimit
sulinngiffeqarnini ukiup affaanik sivitsorniarlugu qinnutigaa.
- Takornarialerinerup
iluani pitsanngorsaaqataanissara kissaatigaara, Palle Jerimiassen oqarpoq.
Taanna kommunalbestyrelsimut
ukioq kingulleq qinersisoqareernerata kingornali qinikkatut atuuffimminit peqqissutsini
pissutigalugu ukioq ataaseq maajip aallaqqaataa 2026 tikillugu sulinngiffeqarpoq.
Suliffeqarfiutini
tunngavigalugu sulinngiffeqarnini ukiup affaannik, oktobarip aallaqqaataa 2026-p tungaanut, sivitsoqqilerlugu maanna nalunaarutigaa.
- Pisinnaasakka atorlugit takornarialerinerup iluani pitsanngorsaaqataanissara kissaatigaara, suliffeqarfiutiga aqqutigalugu nutaanik misigisaqartitsinissamik pilersitsinikkut, Palle Jerimiassen tusagassiuititigut nalunaarummini allappoq.
Palle
Jerimiassenip takornarialerisutut suliffeqarfiutimini “Ilulissat Event”-imi
Ilulissani mittarfittaarsuassaq piareersarfigerusullugu
sulinngiffeqarnissaminut ilanngullugu tunngavilersuutigaa.
Qinersisartuni ataqqigai
Kommunalbestyrelsimit
katillugu ukioq ataaseq affarlu sulinngiffeqartussaassaatit, qinersisartutit
eqqarsaatigalugit qanoq oqarusuppit?
- Siullermik
sulinngiffeqarninnut pissutaasoq qinersisartuma nalunngilaat.
Napparsimareernerma kingorna massakkut suliffeqarfimmik pilersitsivunga, aamma
suliffeqarfimmik pilersitsinerma kingunerisaanik suliffeqarfiutiga
qinigaanermik pisussaaffikka tamakkerlugit piffissaqarfigisinnaanagu
nalunngilara, Palle Jerimiassen Sermitsiamut oqarpoq.
Qinersisartuni
ataqqillugit kommunalbestyrelsimit sulinngiffeqarnissaminik sivitsuerusulluni
oqaatigaa.
-
Qinersisartunnut iluarneruvoq tamakkiisumik sinniisussamik kommunalbestyrelsimi
inissisimasoqaruni, uanga piffissaqarnanga kommunalbestyrelsiuniaannarlunga
kommunalbestyrelsiussanngilanga. Kommunalbestyrelsiuniaruma tamakkiisumik
kommunalbestyrelsiussuunga, Palle Jerimiassen oqarpoq.
Avannaata
kommuniani kommunalbestyrelsip ataatsimiinnissamini tullermi, Palle
Jerimiassennip sulinngiffeqarnerminik sivitsuinissaminik qinnuteqaataa
isummerfigisussaassavaa.
Palle
Jerimiassen (D) 104-nik taaneqarluni Avannaata Kommuniani kommunalbestyrelsimut
ilaasortanngortoq sinnerlugu Niels Erik Bro (D) 73-inik taaneqarsimalluni
sinniisussatut ilaasortaavoq.
