KL

DK

Canadap nunanut allanut ministeria konsuuleqarfimmik ammaajartorluni Nuummukalersoq

Nunatta avataaniit nunatsinnut tikeraat imaaginnavipput. Canadami nunanut allanut ministerip Anita Anandip Nuummut tallimanngorpat tikissaaq.

Canadap nunanut allanut ministeria Anita Anand tallimanngorpat februaarip tallimaani, arfininngorpallu februaarip arfernani tikeraassaaq.
Arnaq Nielsen
Arnaq Nielsen Arnaq Nielsen Arnaq Nielsen Tusagassiortoq
Saqqummersinneqarpoq

Canadap nunatsinni konsuuleqarfia Anita Anandip pisortatigoortumik tallimanngorpat ammassavaa. Ammaanersiornermi Canadami generalguvernøri Mary Simon peqataasunut ilaassalluni.

Konsuuleqarfik Canadap issittumi politikkianit 2024-meersuuvoq, Canadallu nunatsinniinnerulernissaanut ersersitseqataassalluni. Konsuuleqarfiup ammarneqarnerata kingorna ilasseqatigiittoqassaaq. Ilasseqatigiinnermi Canadamiit, nunatsinniit Danmarkimiillu peqataasoqassalluni.

Anita Anandip tikeraarnermini nunanut allanut naalakkersuisoq Vivian Motzfeldt, aamma nunanut allanut ministeri Lars Løkke Rasmussen naapissavai.

Taakkulu pingasuullutik tusagassiortunik arfininngorpat katersortitsissapput.  

nunanut allanut politikki konsuuleqarfik kalaallit nunaat inuussutissarsiornermut inuiaqatigiit vivian motzfeldt canada anita anand lars løkke rasmussen

Atorfiit tamaasa takukkit

PODCASTI

Se alle jobs

Powered by Labrador CMS