Colombiami nagguaatsoq qaqortoq senatoritut qinigaasoq

Colombiap senatoritut qinigaatitaani nutaani 102-ni arnat 32-iupput, angutit 69-iullutik nagguaatsorlu qaqortoq ataaseq.

”Elefante blanco”-mi 34-nik ukiulik Luis Carlos Rúa, qanittumi ukiuni arlalinni SoMemi pisortat suliniutaanni aningaasanik maangaannartitsisarnermik qulaajaasareerluni, qanittumi qinigaavoq.

Taama The Guardian allappoq.

Taaguutaa ”nagguaatsoq qaqortoq” pilersaarutinut akisuunut naammassineqarnerminni atorneqarneq ajortunut atatinneqartarpoq.

Rúa naapertorlugu videoliai sanaartornermik pilersaarutit ilaasa nanginneqarnernnik kinguneqarput, qinersinermilu 124.000-nik qinerneqarpoq.

Qinersineq tikingajavillugu akiniarneqarnissani ersissutigalugu kinaassutsini isertuuppaa.

Ukiuni tallimani nagguaatsutut atikkersorluni ikaartarfiit, atuarfiit napparsimaviillu qimaannakkat ileqqorlunnerit sammineqartinniarlugit ornigartarpai.

- Ulloq oqaluttuarisaanermut pingaaruteqarpoq. Senatori arlaannaalluunniit taamatut sulilernikuunngisaannarpoq, taanna The Guardianimut oqarpoq.